U Minsku na skryžavańni praśpiekta Puškina i vulicy Prytyckaha znoŭ nanieśli tak zvanuju vafielnuju darožnuju raźmietku. Pra heta paviedamili ŭ staličnaj Dziaržaŭtainśpiekcyi.
Vafielnaja raźmietka ŭjaŭlaje saboj žoŭtuju sietku z kvadratnymi jačejkami i praduhledžanaja Praviłami darožnaha ruchu. Jana abaznačaje ŭčastak skryžavańnia, na jaki zabaroniena vyjazdžać, kali napieradzie ŭtvaryŭsia zator i kiroŭca budzie vymušany spynicca niepasredna na skryžavańni.
U DAI ličać, što vykarystańnie takoj raźmietki dapamoža źmienšyć kolkaść zatoraŭ, palepšyć prajezd praz skryžavańnie i źnizić ryzyku darožna-transpartnych zdareńniaŭ.
Kantrol za vykanańniem patrabavańniaŭ budzie vieścisia kruhłasutačna, u tym liku z vykarystańniem kamier Respublikanskaj sistemy manitorynhu hramadskaj biaśpieki.
Kali ihnaravańnie patrabavańniaŭ vafielnaj raźmietki pryviadzie da stvareńnia avaryjnaj situacyi abo darožna-transpartnaha zdareńnia, parušalniku moža pahražać štraf ad 5 da 20 bazavych vieličyń, a taksama pazbaŭleńnie prava kiravańnia transpartnymi srodkami na termin da dvuch hadoŭ.
Upieršyniu takuju raźmietku na skryžavańni praśpiekta Puškina i vulicy Prytyckaha nanieśli jašče ŭ 2023 hodzie. Tady jana taksama źjaviłasia jašče na dvuch skryžavańniach biełaruskaj stalicy.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary