Navukoŭcy z ZŠA vyjavili, što karyca, albo cynamon, dabratvorna ŭpłyvaje na pracu ŭsiaho arhanizma. Jana maje amaładžalnyja ŭłaścivaści, a taksama dapamahaje skinuć lišniuju vahu, paviedamlajuć infarmahienctvy.
Vyniki pryśviečanaha karycy daśledavańnia byli prezientavanyja pa vynikach čarhovaha źjezdu Amierykanskaha tavarystva malekularnaj bijałohii i bijachimii.
Karyca padtrymlivaje pracu arhanizma ŭ cełym, a taksama moža dapamahčy spravicca ź niekatorymi zachvorvańniami. U svaim składzie karyca maje šerah minierałaŭ i vitaminaŭ, a taksama dubilnyja rečyvy, efirnyja alei, klatčatku.
«Sistematyčnaje ŭžyvańnie karycy spryjaje ŭtvareńniu śpiecyfičnaha mietabaličnaha centra, jaki stanovicca pryčynaj karysnych źmianieńniaŭ, jakija ažyćciaŭlajucca na kletkavym uzroŭni», — raspaviadaje viadučy aŭtar daśledavańnia, bijachimik z Univiersiteta Paŭnočnaha Ahajo, Emi Stokiert.
Taksama navukoŭcy raspaviali, što karyca bahataja na antyaksidanty. Kab adčuć na sabie spryjalnaje ŭździejańnie dadzienaha praduktu, treba rehularna ŭžyvać kala adnaho hrama karycy ŭ sutki.
Kamientary