Vitamin B12, taksama viadomy jak kabałamin, — heta arhaničnaje rečyva, jakoje rehuluje vytvorčaść erytracytaŭ u arhaniźmie. Jon źjaŭlajecca vyklučna važnym kampanientam białkoŭ, rehuluje mietabalizm vuhlavodaŭ i tłuščoŭ, upłyvaje na vytvorčaść aminakisłot i nukleinavych kisłot u kletkach, asabliva ŭ kaściavym mozhu.
Hety vitamin maje vialikaje značeńnie dla funkcyjanavańnia cieła, u asnoŭnym dla niervovaj i kryvianosnaj sistemy. Ale čałaviečy arhanizm nie moža jaho sintezavać, tamu nam zastajecca tolki atrymlivać kabałamin praź ježu. U asnoŭnym jaho možna znajści ŭ praduktach žyviolnaha pachodžańnia — čaściej za ŭsio ŭ piačoncy i nyrkach, ale taksama ŭ miasnych i małočnych praduktach, syrach i jajkach, tłumačyć onet.pl.
Ale časam navat daskanałaja dyjeta nie moža abaranić ad deficytu vitaminu B12. Pažyłyja ludzi schilnyja da hetaha deficytu praz rehularny pryjom roznych lekaŭ, što paharšajuć zasvajeńnie kabałaminu. Ludzi, što pa roznych pryčynach admaŭlajucca ad miasa, taksama mohuć nie atrymlivać dastatkovaj kolkaści kabałaminu.
Lohkija formy deficytu vitaminu B12 mohuć nie mieć simptomaŭ. Ale, kali situacyja pahoršycca, čałaviek moža adčuvać słabaść, paharšeńnie zroku, u jaho mohuć źjavicca psichičnyja prajavy deficytu nakštałt razdražnialnaści abo depresiŭnaści. Skura takoha pacyjenta blednaja, jamu ciažka dychać, piša webmd.com.
Adno ź niebiaśpiečnych nastupstvaŭ mocnaha niedachopu kabałaminu — dehienieratyŭnyja pracesy ŭ śpinnym i hałaŭnym mozhu. Taksama paharšajecca stan pieryfieryčnych niervaŭ, u tym liku zrokavaha. Moža ŭźnikać demiencyja roznaj stupieni ciažkaści abo psichičnyja chvaroby.
Luboje paškodžańnie niervaŭ, atrymanaje ŭ rezultacie deficytu kabałaminu, moža zachavacca na doŭhi čas, tamu lepiej nie adkładać lačeńnie. Zvyčajna dapamahaje pryjom vitaminu B12 u roznych formach i, kali heta mahčyma, uviadzieńnie ŭ dyjetu praduktaŭ, bahatych na kabałamin.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary