Stvorany hrafienavy filtr, jaki moža ačyścić navat marskuju vadu
Aŭstralijskaja kamanda navukoŭcaŭ ź Dziaržaŭnaha abjadnańnia navukovych i prykładnych daśledavańniaŭ pradstaviła tanny mietad filtracyi vady (navat marskoje) na asnovie adnoj z raznavidnaściaŭ hrafienu — materyjału, jaki atrymaŭ nazvu GraphAir. Daśledavańnie było apublikavanaje ŭ časopisie Nature Communications.
U adroźnieńnie ad zvyčajnaha hrafienu, jaki atrymlivajuć u vyniku enierhajomistaha chimičnaha pracesu, GraphAir vyrablajecca z sojevaha aleju — niedarahoha i adnaŭlalnaha materyjału, ź jakoha navukoŭcy mohuć atrymlivać tonkija hrafienavyja plonki.
U chodzie ačystki vadkaść prachodzić praz nanakanały, jakija jość u hetaj ploncy, i ačyščajecca ad zabrudžvańniaŭ. Navukoŭcy paviedamlajuć, što ich materyjał zdolny na 100% adfiltroŭvać soli, što źmiaščajucca ŭ vadkaści, a taksama inšyja zabrudžvańni bytavoha pachodžańnia.
Prademanstravać efiektyŭnaść svajho GraphAir-filtra śpiecyjalisty vyrašyli ŭ znakamitaj Sidnejskaj buchcie, ačyściŭšy ŭziaty ź jaje ŭzor vady. Dla hetaha jany ŭstalavali plonku GraphAir na zvyčajny miembranny filtr vady, jaki možna znajści ŭ luboj kramie. Usiaho adnaje pracedury filtracyi akazałasia dastatkova dla taho, kab zrabić vadu dastupnaj dla pićcia.
Akramia taho, było vyjaŭlena, što hrafienavyja plonki zabrudžvajucca bolš pavolna, čym miembrany zvyčajnych filtraŭ. Pry hetym daśledčyki kažuć, što technałohija nie patrabuje vialikich vydatkaŭ.
Daśledniki adznačajuć, što ŭ śviecie kala 2,1 miljarda čałaviek nie majuć dostupu da čystaje pitnoje vady. Ich raspracoŭka moža dapamahčy ŭsim hetym ludziam.
-
Jak zrabić dron amal niabačnym? Navukoŭcy prapanavali niečakana prostaje rašeńnie
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami88
Kamientary