Rasija ŭnačy ŭdaryła pa Kijevie: dzieviać zahinułych, niekalki dziasiatkaŭ paranienych
Siarod zahinułych — dzieci.
Rasija ŭ noč na 1 žniŭnia naniesła ŭdar pa Kijevie. Pavodle apošnich danych, viadoma pra 9 zahinułych, kolkaść paciarpiełych praciahvaje raści, piša UNIAN sa spasyłkaj na Dziaržaŭnuju słužbu Ukrainy pa nadzvyčajnych situacyjach (DSNS).
U Sałamianskim rajonie zahinuli dźvie asoby, jašče vosiem paciarpieli. Siarod ich — dvoje dziaciej. Pa adnym z adrasoŭ adbyłosia častkovaje razbureńnie i ŭzharańnie piacipaviarchovaha žyłoha doma, pa inšym — zaharelisia aŭtamabili na stajancy. Usiaho troch čałaviek špitalizavali, ratavalniki evakujavali 35 žycharoŭ ź vierchnich pavierchaŭ, pažar byŭ likvidavany.
U Darnickim rajonie adbylisia pažar i razbureńni ŭ administracyjnym budynku i ŭ niežyłym pamiaškańni. Pa inšym adrasie hareli aŭtamabili, a taksama byli paškodžany žyłyja damy. U hetym rajonie zahinuli siem čałaviek, jašče 14 atrymali ranieńni, u tym liku dvoje dziaciej.
U Šaŭčenkaŭskim rajonie ŭźnik pažar u niežyłym budynku, a taksama zaharelisia aŭtamabili chutkaj miedycynskaj dapamohi. Pažar byŭ likvidavany. Pa adnym z adrasoŭ vyjaŭleny adzin paranieny čałaviek. Akramia taho, pažar adbyŭsia na terytoryi kinastudyi, jaho ŭdałosia łakalizavać.
«Dniaproŭski rajon: paškodžana krama. Piačerski rajon: paškodžany čatyry pryvatnyja žyłyja damy i haspadarčyja pabudovy. Na miescach pracujuć ratavalniki i ŭsie adpaviednyja słužby. Infarmacyja ŭdakładniajecca», — adznačyli ŭ paviedamleńni.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary