Alaksandr Łukašenka padčas sustrečy z daradcam prezidenta ZŠA pa nacyjanalnaj biaśpiecy Džonam Bołtanam paprasiŭ jaho pieradać padarunki dla amierykanskaj prezidenckaj pary, pieradaje BiełTA.
Donaldu Trampu kiraŭnik biełaruskaj dziaržavy pieradaŭ korcik. Pry hetym jon nahadaŭ, što zaŭzieŭ na vybarach mienavita za ciapierašniaha prezidenta ZŠA. «Ja «ŭmiešvaŭsia» ŭ amierykanskija vybary i zaŭzieŭ za Trampa», — z dolaj humaru adznačyŭ Alaksandr Łukašenka.
U jakaści padarunka dla Miełanii Tramp byli abranyja vyraby ź biełaruskaha lonu — abrus z survetkami. «Heta — žanočaje, jon maje dačynieńnie da słavianskaha lonu (žonka prezidenta ZŠA naradziłasia ŭ Słavienii)», — skazaŭ Łukašenka.
Siarod padarunkaŭ samomu Džonu Bołtanu — šakaładnyja prysmaki biez cukru, uklučajučy ekskluziŭny nabor šakaładu, stvorany da II Jeŭrapiejskich hulniaŭ. Jašče adzin padarunak — albom «Spadčyna Biełarusi». «Heta pra Biełaruś. Vy ŭ samalocie pahartajecie i ŭbačycie, što takoje Biełaruś», — rastłumačyŭ Łukašenka.
«I pieradajcie svajmu prezidentu samyja ciopłyja vinšavańni ad biełaruskaha naroda. Karani jaho ziacia Kušniera (Džared Kušnier) tut u Biełarusi», — dadaŭ Łukašenka.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ125
Kamientary