U Biełarusi zdymajuć sieryjał pra «SVA». Nabirajuć masoŭku na dyviersantaŭ, a siarod akcioraŭ — były ministr Rusłan Čarniecki
U biełaruskich admysłovych čatach šukali akcioraŭ, pryčym na roli sałdat, kursantaŭ i navat apieratara drona. Što heta za kino?
Rasijskija kinošniki časta abirajuć Biełaruś, kab zdymać svaje prajekty, i nabirajuć u našaj krainie masoŭku.
Dniami ŭ admysłovych čatach šukali akcioraŭ na roli dyviersantaŭ, palicejskich, apieratara drona i pryzyŭnikoŭ. Niekatoryja z abjavaŭ byli paznačanyja abrevijaturaj «STK», da niekatorych inšych dałučali frahmienty sa scenara, na jakich taksama była taja paznaka.
Možna ŭpeŭniena kazać, što havorka pra sieryjał «Sotnik», jaki zdymajuć dla rasijskaha kanała TV-3. Pavodle scenara, jaho dziejańnie adbyvajecca na akupavanaj Rasijaj terytoryi Łuhanskaj vobłaści. Tudy, u rodnaje miastečka, viartajecca z Varonieža były siłavik Sotnikaŭ. Jon źbirajecca kiravać addalenaj mieteastancyjaj, ale, pavodle scenara, nie moža ŭklučycca ŭ mirnaje žyćcio — u miastečku bahata ŭkrainskich dyviersantaŭ. Tamu ŭrešcie Sotnikaŭ traplaje ŭ kontrvyviedku, dzie i prymianiaje svoj dośvied siłavika.
Niekatoryja sceny z «Sotnika» zdymali ŭ Dziaržynsku. Heta epizody, jakija, pavodle scenara, adbyvajucca ŭ Łačeŭsku — u naźvie horada jaŭna zašyfravali Ałčeŭsk, sapraŭdny horad u Łuhanskaj vobłaści Ukrainy, akupavany jašče ź lipienia 2014‑ha hoda.
Siarod hienieralnych pradziusaraŭ «Sotnika» — Cina Kandełaki. Režysior prajekta Jaŭhien Tataraŭ maje ŭznaharodu FSB za film «Kapitan Halivud» pra supracoŭnika FSB, jaki rasśleduje vybuch u žyłym domie.
Biełarusam, adnak, buduć znajomyja i niekatoryja akciory z «Sotnika». Tam źnialisia były ministr kultury, a ciapier prosta akcior teatra Horkaha Rusłan Čarniecki i jaho dačka, 10‑hadovaja Aryna Čarnieckaja, jakaja taksama buduje akciorskuju karjeru. U dziaŭčynki niabłaha atrymlivajecca — dniami vyjšaŭ rasijski sieryjał «Unučka dla zapatrabavańnia», dzie ŭ Aryny bujnaja rola.
«Naša Niva» — bastyjon biełaruščyny
PADTRYMAĆ10‑hadovaja dačka eks-ministra Čarnieckaha adchapiła važnuju rolu ŭ rasijskim sieryjale
Rasijanie zdymali ŭ Minsku sieryjał pra chakiej — vydali stalicu Biełarusi za Vałhahrad i Samaru
U Rasii źniali šalona papularny sieryjał pra jadziernyja vučeńni, u jakich udzielničali biełarusy. Voś što nie tak z «Paŭraspadam»
Kamientary