Žachlivy zdymak Šani Łuk ablacieŭ uvieś śviet: 7 kastryčnika 2023 hoda jana lažała ŭ kuzavie hruzavika ŭ atačeńni terarystaŭ CHAMAS. Hramadzianka Hiermanii i Izraila zahinuła va ŭzroście ŭsiaho 22 hadoŭ, kali pryjechała na muzyčny fiestyval Supernova kala miažy ź siektaram Haza.
20 kastryčnika Armija abarony Izraila paviedamiła, što naniesła avijaŭdar pa Džabalii ŭ siektary Haza i zabiła terarysta CHAMAS na imia Tamier Machamad Ibrahim al-Zabak, piša BILD. Jak miarkujecca, mienavita jon vykraŭ Šani Łuk padčas masavaj raźni 7 kastryčnika 2023 hoda.
Paźniej al-Zabak arhanizoŭvaŭ napady na izrailskich sałdat i sprabavaŭ adnavić terarystyčnuju infrastrukturu CHAMAS u siektary Haza, zajaviła armija Izraila.
U kastryčniku 2023 hoda raspaŭsiudzilisia kadry, na jakich było vidać, jak terarysty CHAMAS pieravozili častkova aholenaje cieła Šani Łuk u kuzavie pikapa pa vulicach siektara Haza.
U mai 2024 hoda izrailskija sałdaty padčas apieracyi ŭ siektary Haza znajšli pareštki dziaŭčyny i dastavili ich u Izrail dla pachavańnia.
«Jana była vielmi žyćciaradasnym dziciem i z rańnich hadoŭ mieła ŭłasnyja ŭjaŭleńni pra žyćcio, — niadaŭna raskazała jaje maci Rykarda Łuk. — Jana była adkrytaja śvietu, sama šyła sabie adzieńnie i rana zajaviła, što choča stać mastačkaj, a škoła jaje nie cikavić. Jana była vielmi pryjaznaj, miłaj i viasiołaj i adrazu pryciahvała da siabie ŭvahu».
Zusim niadaŭna, u kancy vieraśnia, izrailskaja armija paviedamiła pra zabojstva jašče adnaho vykradalnika. Havorka išła pra prychilnika CHAMAS, jaki vyviez na matacykle ŭ siektar Haza izrailcianku Naa Arhamani. Paźniej jaje ŭdałosia vyzvalić.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary