Viaducca razmovy pra novyja vizity amierykanskaj delehacyi ŭ Biełaruś
Pastajanny pradstaŭnik Biełarusi pry AAN Valancin Rybakoŭ paćvierdziŭ vierahodnaść novych pryjezdaŭ.
Adkazvajučy na pytańnie žurnalistaŭ, ci varta čakać u bližejšy čas praciahu vizitaŭ, Valancin Rybakoŭ skazaŭ: «Abaviazkova čakajcie. Ale pra heta pakul rana havaryć».
«Nijakich dat, nijakich kankretnych źviestak ja paviedamić nie mahu, ale pra heta (mahčymaść novych vizitaŭ) havorka idzie», — dadaŭ jon.
«Zacikaŭlenaść (u praciahu pieramovaŭ) uzajemnaja. Ni dla kaho nie sakret, što Biełaruś ujaŭlaje peŭnuju cikavaść dla ZŠA. Prezident Biełarusi nieadnarazova havaryŭ pra toje, što my nie samaja bahataja, mahutnaja i vialikaja kraina, razumiejem svajo miesca. Tym nie mienš u siłu cełaha šerahu pryčyn, pra jakija ŭsim viadoma, Biełaruś cikavaja dla ZŠA. Mienavita hetym tłumačycca toje, što praces uzajemadziejańnia ŭ nas praciahvajecca», — dadaŭ Valancin Rybakoŭ, jak piša BiełTA.
Siarod hałoŭnych pytańniaŭ, vyrašeńnia jakich damahajecca aficyjny Minsk, jon nazvaŭ admienu sankcyj.
«My nad hetym pracujem, praces idzie. Peŭnych stanoŭčych vynikaŭ u hetym kirunku ŭžo dasiahnuta. Niama nijakich sumnieńniaŭ u tym, što hety praces budzie praciahvacca, — adznačyŭ jon. — Nie hatovy nazyvać niejkija časavyja ramki, bo pieramoŭny praces składany. Tym nie mienš pakul usio raźvivajecca ŭ tym kirunku, jaki nas cikavić».
Nahadajem, što padčas raniejšych vizitaŭ amierykanskaj delehacyi ŭ Biełaruś vyzvalali vialikija hrupy palitviaźniaŭ.
Tak, u śniežni 2025 hoda byli vyzvalenyja 123 čałavieki, 19 sakavika 2025 hoda — 250 čałaviek. Padčas apošniaha vyzvaleńnia 16 vieraśnia na volu vyjšli 25 čałaviek.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary