«Kupałaŭcy» siońnia anansujuć muzyčny prajekt «Ja havaru». Dzie i kali jaho pahladzieć?
Niezaležnaja trupa «Kupałaŭcy» zaviaršaje siezon prajektam «Ja havaru», padčas jakoha vykanaje pieśni na vieršy sučasnych biełaruskich paetaŭ.
«Kali b chtości hod tamu raspavioŭ nam pra toje, što z nami maje adbycca, to my, naturalna, nie pavieryli b. «Cha-cha, vydatny scenar dla vielmi śmiełaha kapuśnika»,
— skazali b my. Tak, było niaprosta, ale ž i duža zachaplalna. My zrabili stolki ŭsiaho, čaho i sami ad siabie nie čakali. Voś i zakryćcio siezona abiacaje być zapaminalnym», — kažuć «Kupałaŭcy».
7 lipienia, u dzień naradžeńnia Janki Kupały jany pradstaviać ułasny prajekt.
Kupałaŭcy uziali vieršy sučasnych paetaŭ (Vitala Ryžkova, Anatola Ivaščanki, Valžyny Mort, Nasty Kudasavaj, Hleba Łabadzienki i inšych).
Čatyry akciora — Michaś Zuj, Andrej Drobyš, Źmicier Jesianievič i Alaksandr Zielanko — napisali da ich muzyku.
A ich kalehi vyjduć da mikrafona i praśpiavajuć pieśni.
Sami aŭtary ŭpieršyniu pačujuć i ŭbačać kančaktovy vynik razam z hledačami.
Premjera prajekta adbudziecca 7 lipienia a 20-j na jutub-kanale «Kupałaŭcy».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie24
Kamientary