Hetym stylistyčnym pryjomam časta karystajucca modnicy.
Abarot «teoryja niapravilnaha abutku» ŭviała amierykanskaja zornaja stylistka Elisan Bornstajn. Ideja ŭ tym, što niečakany, dysanansy abutak u vobrazie dadaje jamu bolš indyvidualnaści.
«Pracujučy z klijentami i analizujučy styl našych lubimych znakamitaściej, ja zrazumieła: toje, što robić vobraz cikavym i piersanalnym, — heta dadańnie aksiesuaraŭ, jakija vyhladajuć trochi čužarodna ci nie zusim supadajuć z ahulnym nastrojem astatniaha aŭtfitu», — raspaviadała Bornstajn Vogue.
Naprykład, aktrysa El Feninh źjaviłasia ŭ Kanach u 2023 hodzie ŭ kłasičnych štanach i vjetnamkach. A aktrysa Keci Chołms niejak vyjšła na čyrvonuju darožku nie na abcasach, a ŭ baletkach pad doŭhuju viazanuju sukienku.
Modnicy na niadaŭnim Tydni mody ŭ Kapienhahienie taksama karystalisia hetym pryjomam. Jany spałučali abjomnyja štany karha z tuflami sa źmiainym pryntom, a kamuflažnyja šorty — z adkrytymi miuli, piša Harper's Bazzar.
Hałoŭnaj razynkaj stylu naviedvalnic pakazaŭ była poŭnaja adsutnaść zakanamiernaści. Kantrast vyjaŭlaŭsia nie tolki ŭ estetycy, ale i ŭ simvaliźmie: utylitarnyja rečy spałučajucca z abutkam i aksiesuarami raskošy dy lohkaści.
Modnaje vydańnie zaŭvažaje: demakratyzacyja mody i imknieńnie ludziej pakazać svaju indyvidualnaść i składanaść praz raznastajnaść u adzieńni sparadžaje «styl supiarečnaściej».
Ciapier čytajuć
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Kali ŭ budni dzień zavitać u sredniestatystyčnuju biełaruskuju viesku, to možna pabačyć śmiełyja spałučeńni spartyjnaha stylu sa stylem kežuał, ci kłasiki sa stylem military. Nu, a vysokija humavyja boty - heta asnoŭnaja fiška, bo chren ty bieź ich kudy projdzieš.