Uzimku varta nasić svabodnuju vopratku, jakaja nie ciśnie, pry hetym treba apranacca šmatsłojna, źvierchu — u niepramakalnuju kurtku abo palito.
Pra heta raskazaŭ «Minsk-Navinam» namieśnik hałoŭnaha ŭrača haradskoj stancyi chutkaj miedycynskaj dapamohi Aleh Varabiej.
Miedyk adznačaje, što prastornaje adzieńnie spryjaje narmalnaj cyrkulacyi kryvi. Abutak taksama pavinien być svabodnym. Kali jon ciśnie, to nie dapamoža navat naturalny miech ci voŭna.
Varabiej paraiŭ pakłaści ŭ abutak ciopłyja vuściłki, a zamiest bavaŭnianych škarpetak nadzieć vaŭnianyja — jany ŭbirajuć vilhać, pakidajučy nohi suchimi.
Abaviazkova treba ŭchutvacca ciopłym šalikam i apranać viazanyja rukavicy: jany lepš zachoŭvajuć ciapło, čym palčatki.
Akramia taho, miedyk raić pierad vychadam na maroz dobra pajeści. Kateharyčna nie rajać sahravacca ałkaholem.
Taksama śpiecyjalist paraiŭ na marozie nie kuryć i nie nasić mietaličnyja ŭpryhožvańni.
Pry pieršych prykmietach zamiarzańnia treba jak maha chutčej zajści ŭ ciopłaje miesca.
-
Žanočy ałkahalizm: čym jon roźnicca ad mužčynskaha i jak da takich žančyn stavicca?
-
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
-
Rak moža być zaraznym? Navukoŭcy vyjavili čaćviorty taki vypadak
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary