Usiaho hod nazad, 25 vieraśnia 2021 hoda, lohkaatlety Maksim Niedasiekaŭ i Darja Batahova adśviatkavali stvareńnie siamji ŭ staličnym restaranie Astoria Riverside, što znachodzicca praz darohu ad «Alimpik-parka», dzie pravodzić matčy chakiejnaja kamanda Łukašenki. Ale niešta pajšło nie tak, piša Tribuna.com.
Na dniach 20-hadovaja Łalita Mackievič vykłała fatahrafiju, na jakoj trymaje bukiet i całujecca ź Niedasiekavym.
Miž tym jašče nie prajšło i hoda z dnia viasiella Maksima Niedasiekava i Darji Batahovaj.
Žonkaj aktyŭnaha prychilnika dyktatury stała pieramožca junijorskich čempijanataŭ Biełarusi. Dziaŭčyna vystupała za Hrodzienskuju vobłaść i ŭdzielničała adrazu ŭ niekalkich dyscyplinach — skački ŭ daŭžyniu, trajny skačok i bieh na karotkija dystancyi.
«Raniej jana zajmałasia [sportam], pa sporcie i paznajomilisia daŭnym-daŭno. Daŭniaje kachańnie? Budziem kazać tak. Daŭniaje, ale adbyłosia ŭsio heta nie tak užo mocna i daŭno», — tak kamientavaŭ Niedasiekaŭ svajo znajomstva ź niaviestaj pierad viasiellem.
Para abmianiałasia kolcami nie ŭ ZAHSie, a ŭ mienš aficyjnaj abstanoŭcy ŭ restaranie.
Adnak, zdajecca, mocnaj siamji maładoj pary stvaryć nie ŭdałosia. Jašče miesiac tamu lohkaatlet vyjaŭlaŭ aktyŭnaść u kamientarach u Łality Mackievič u instahramie.
Łalita ŭ svoj čas zajmałasia mastackaj himnastykaj u hrupavych praktykavańniach i źjaŭlajecca majstram sportu mižnarodnaha kłasa, pryzioram čempijanatu Jeŭropy — 2017 siarod junijorak i ŭładalnikam zołata čempijanatu Biełarusi-2019. Adno z apošnich mižnarodnych spabornictvaŭ dziaŭčyny — Hran-pry Maskvy — 2020, dzie było zavajavana srebra.
Dziaŭčyna vyrasła ŭ spartyŭnaj siamji: jaje dzied byŭ majstram sportu SSSR pa spartyŭnaj himnastycy, a tata zajmaŭsia viełasportam. U mastackuju himnastyku baćki addali dziaŭčynku, kab vypravić jaje pachodku. Z časam Łalitu sport zaciahnuŭ, pryjšli pieršyja pośpiechi. Asabliva jarkija ŭspaminy ŭ dziaŭčyny zastalisia ad pieršych dziciačych spabornictvaŭ, dzie jana vykanała rolu małpački.
«Vielmi dobra pamiataju pieršaje vystupleńnie na Baby Cup. My vystupali ź siabroŭkaj Ksiušaj, i ja była małpačkaj. U nas byli košyki z bananami, i prosta padčas vystupu treba było ich jeści», — raspaviadała Łalita.
Mackievič, u adroźnieńnie ad žonki Niedasiekava (užo, mabyć, byłoj), znachodzicca ŭ liku padpisantaŭ praŭładnaha lista. Ale ŭ sacsietkach dziaŭčaty nie znajści asablivaj lubovi da režymu Łukašenki, jak i jakich-niebudź vykazvańniaŭ pra padziei 2020 hoda i vajnu va Ukrainie.
Jak daŭno sustrakajecca novaja para i ci rasstaŭsia Niedasiekaŭ z žonkaj kančatkova, nieviadoma. Darja adkryła svoj profil u Instgram, i tam nie zastałosia nijakich śladoŭ ad atleta. Z apošniaha ŭ dziaŭčyny na staroncy adnatypnyja fatahrafii biez podpisaŭ.
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary