Miedycynskija analizy eks-prezidenta Hruzii Michaiła Saakašvili, jaki znachodzicca ŭ turmie, pakazali ŭtrymańnie myšjaku ŭ jaho arhaniźmie. Pra heta paviedamiŭ advakat Šałva Chačapurydze, paviedamlaje «Nastojaŝieje vriemia».
«My pakul nie atrymlivali analizaŭ paznohciaŭ, jany pryjduć siońnia, ale pa telefonie vyśvietliłasia, što ŭ vyniku daśledavańnia było vyjaŭlena jašče adno [atrutnaje] rečyva — myšjak», — skazaŭ advakat.
U paniadziełak Saakašvili ŭpieršyniu za doŭhi čas budzie prysutničać na pasiadžeńni suda pa spravie ab niezakonnym pierasiačeńni miažy, raspavioŭ advakat. Pry hetym były prezident, pa słovach Chačapurydze, znachodzicca ŭ ciažkim stanie, dla jaho pieramiaščeńnia spatrebicca śpiecyjalnaje kresła. «Dla taho, kab my nie stanavilisia pryčynaj zryvu sudovaha pracesu, jaho pieranosu, jon vyrašyŭ, što siońnia źjavicca na praces», — adznačyŭ advakat.
Raniej maci Saakašvili Hiuli Ałasanija i advakat Valery Hiełbachiani paviedamili ab jaho mahčymym atručvańni ciažkimi mietałami, u tym liku rtućciu. Pa ich słovach, pra heta śviedčyć miedycynskaje zaklučeńnie niaŭradavaj arhanizacyi «Empatyja», jakoje jašče nie było apublikavana i rychtujecca dla padačy zamiežnym ekśpiertam. Pry hetym hruzinskija ŭłady zaklikajuć «ŭstrymacca ad zaŭčasnych vysnoŭ» pra mahčymaje atručeńnie byłoha prezidenta.
Palityka abvinavačvajuć u rastracie dziaržaŭnych srodkaŭ na asabistyja patreby. Saakašvili ŭsie abvinavačvańni admaŭlaje. Pavodle jaho, padčas źniavoleńnia ŭ jaho raźvilisia ciažkija zachvorvańni. Advakaty i prychilniki Saakašvili patrabujuć nakiravać jaho na lačeńnie za miažu. Jaho zatrymali 1 kastryčnika 2021 hoda, kali palityk viarnuŭsia ŭ Hruziju.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary