21 śniežnia Michaiłu Saakašvili, jaki bolš za hod znachodzicca za kratami, spoŭniłasia 55 hadoŭ. Ale vyhladaje jon jak stary čałaviek. Jaho prychilniki aścierahajucca, što eks-prezident Hruzii moža pamierci.
Nahadajem, što ŭ turmu Saakašvili trapiŭ 1 kastryčnika 2021 hoda, kali viarnuŭsia ŭ Hruziju. Sud pastanaviŭ, što za kratami jon pavinien pravieści minimum piać hadoŭ.
Saakašvili mocna chvory, prynamsi tak jon vyhladaje na videa. Jaho prychilniki kažuć, što eks-prezident užo nie moža samastojna chadzić.
U kancy listapada deputaty, jakija naviedvali Saakašvili ŭ klinicy, paviedamili pra jaho šakavalny stan: zamiest zvyčajna zvyšenierhičnaha čałavieka naviedvalnikaŭ sustreŭ paŭškilet, u jakoha defarmavany sustavy, jon nie vałodaje adnoj rukoj, ź ciažkaściu chodzić i razmaŭlaje, tempieratura ŭ jaho trymajecca na ŭzroŭni 37,5. Palityk schudnieŭ na 40 kiłahramaŭ i važyć prykładna 70 kh.
Daktary vyjavili ŭ jaho kala 20 chvarob.
Taksama śpiecyjalisty ličać, što dziŭnyja simptomy Saakašvili, jakija nie źnikli ŭ klinicy, vyklikanyja atručvańniem ciažkimi mietałami.
Ekśpiertyza paćvierdziła najaŭnaść u arhaniźmie baryju, vismutu i rtuci. Daśledavańnie pravodziŭ amierykanski taksikołah Devid Śmit. Jon schilajecca da taho, što atrutnyja rečyvy, uklučajučy rtuć i myšjak, trapili ŭ jaho arhanizm paśla taho, jak Saakašvili pasadzili ŭ turmu. Hruzinskija ŭłady nastojvajuć na tym, što atručvańnie adbyłosia z-za elektronnych cyharet.
-
«Vialikabrytanija pavinna vykupić Amieryku nazad». Brytanski žurnalist patroliŭ Trampa
-
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
-
«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary