U izalatar adpraŭlajuć za avatarki ŭ sacsietkach.
Pra situacyju ŭ rehijonie piša ŭ fejsbuku krajaznaviec Kastuś Šytal.
U Dokšycach zatrymali Taćcianu Dorc i Vieraniku Sudnikovič. Na Taćcianu skłali pratakoł pa 24.23 za malunki ŭ sacsietkach, jana ŭ IČU da suda ŭ paniadziełak. Što ź Vieranikaj, pakul nieviadoma.
U Hłybokim siłaviki prychodzili jak minimum da šaści čałaviek. Jość śviedčańni, piša Šytal, što izalatar pierapoŭnieny, častku viaźniaŭ vyvieźli ŭ inšyja harady. Bolšaja častka idzie pa administracyjnych spravach za reposty, fota i avatarki ŭ sacsietkach.
Žančyn, u jakich niepaŭnaletnija dzieci, adpuskajuć paśla składańnia pratakołaŭ, kopii pratakołaŭ davać admaŭlajucca. Adna hłybačanka atrymała 20 bazavych za fota ŭ instahramie — jaje zvolnili z pracy. Na inšuju skłali pratakoł za avatarku va «UKantakcie», sud jašče budzie. Na Alaksandra Šarabajku zaviedziena kryminalnaja sprava.
Taksama viadomyja fakty vykliku ŭ KDB za danaty praz fejsbuk. Siłaviki pakazali videa ź Jarasłavam Pačopkam z Hłybokaha, jaki kaža, što nibyta pryjšoŭ z pakajańniem za toje, što vosieńniu 2020 hoda zadanaciŭ u fond «Bajsoł».
«Jak raskazvajuć znajomyja ź situacyjaj z adnaho z haradoŭ Viciebskaj vobłaści, ludziam nastojliva prapanujuć napisać jaŭku z pakajańniem za «finansavańnie ekstremisckaj dziejnaści», pieraličyć kudyści hrošy (u adnym z vypadkaŭ heta byŭ rachunak dziciačaha doma), a potym Śledčy kamitet vynosić pastanovu ab admovie ŭ zaviadzieńni kryminalnaj spravy», — dzielicca Kastuś Šytal.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary