U sieradu ŭ Minsku adkryjuć vystavu da 500-hodździa vydańnia «Pieśni pra zubra»
Vystava «Mikałaj Husoŭski. Pieśnia pra zubra», pryśviečanaja 500-hodździu pieršaha vydańnia paemy, adkryjecca 13 krasavika ŭ Nacyjanalnaj biblijatecy Biełarusi, paviedamili BiełTA ŭ biblijatecy.
Na vystavie buduć pradstaŭleny vydańni sa zboru Nacyjanalnaj biblijateki Biełarusi, abjadnanyja ahulnaj temaj siužeta paemy, a taksama tvory biełaruskich mastakoŭ, biełaruskich i zamiežnych mahistrantaŭ i studentaŭ Biełaruskaj dziaržaŭnaj akademii mastactvaŭ i navučencaŭ himnazii-kaledža mastactvaŭ imia Ivana Achremčyka.
Ekspazicyja daje mahčymaść pieranieścisia na 500 hadoŭ tamu i sfarmiravać ułasnaje ŭjaŭleńnie ab vieličy i skarbach prodkaŭ sučasnych biełarusaŭ.
Pradstaŭnik novałacinskaj paezii, adzin z zasnavalnikaŭ žanru lira-epičnaj paemy ŭ litaratury Uschodniaj Jeŭropy Mikałaj Husoŭski staŭ aŭtaram paemy «Carmen de statura feritate ac venatione Bisontis» («Pieśnia pra vyhlad, lutaść zubra i palavańnie na jaho»). Dziakujučy talentu i bahatamu žyćciovamu vopytu Husoŭskaha, tvor pieratvaryŭsia ŭ pieśniu serca paeta, himn Radzimie.
Vystava adkryjecca 13 krasavika ŭ 17:00 u halerei «Atryum» (3-i pavierch) i budzie pradstaŭlena da 27 červienia 2023 hoda.
Z afišy filma pra «Pieśniaroŭ» prybrali akciora-kupałaŭca
Adrazu dva biełarusy ŭvajšli ŭ žury prestyžnaj kinapremii «Załaty hłobus»
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
-
Vyjšli treciaja i čaćviortaja častki sahi «Silva Rerum»
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary