Hałoŭčanka paviedamiŭ ab prablemach z realizacyjaj małočnaj pradukcyi: na składach amal na paŭmiljarda dalaraŭ
Premjer-ministr Raman Hałoŭčanka na naradzie z Alaksandram Łukašenkam zajaviŭ, što ŭ Biełarusi ŭźnikła prablema sa zbytam niekatorych vidaŭ małočnaj pradukcyi, jak paviedamlaje BiełTA.
Pa słovach Hałoŭčanki, na składach sabrałasia praduktaŭ amal na 400 młn dalaraŭ. Pryčynami, pa jakich skłałasia takaja situacyja, jon nazvaŭ źmianieńnie cen na zamiežnych rynkach i pavieličeńnie vytvorčaści anałahičnych tavaraŭ u Rasii.
«Ale śpiecyjalisty kažuć, što heta nie trahična, źjava časovaja: cana na kitajskim i naohuł na azijackim rynku pačała raści. A ŭ cełym my pracujem nad źmianieńniem našaj stratehii raźvićcia małočnaj i małakapierapracoŭčaj pramysłovaści», — skazaŭ Raman Hałoŭčanka.
U adkaz Łukašenka paraiŭ «nie zacyklivacca» na adnym-dvuch rynkach, pašyrać hieahrafiju pastavak i, naprykład, pačać ekspart u Zimbabve. «Im dzietak niama čym karmić. I ja paabiacaŭ, što my im dapamožam», — skazaŭ Łukašenka.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec131
Kamientary