Ekanomika55

Kiraŭnik «Haryzonta» kaža, što biełaruski noŭtbuk užo pradajecca ŭ 18 krainach śvietu. Ale adšukać jaho atrymałasia tolki ŭ Rasii

Hiendyrektar chołdynhu Jury Pradko paviedamiŭ, što biełaruski noŭtbuk pastaŭlajuć užo ŭ 18 krain śvietu. «Svaboda» znajšła noŭtbuki biełaruskaj vytvorčaści ŭ anłajn-prodažy tolki ŭ Rasii. U Kazachstanie i Armienii, jakija zhadvaŭ kiraŭnik «Haryzonta», ich niama. Taksama, pavodle jaho słovaŭ, na noŭtbukach staić «ułasnaje prahramnaje zabieśpiačeńnie». Adnak i heta niapraŭda: jano tam amierykanskaje.

Hiendyrektar chołdynha «Haryzont» Jury Pradko paviedamiŭ, što biełaruski noŭtbuk pastaŭlajuć užo ŭ 18 krain śvietu, uklučna z Rasijaj i Kazachstanam.

«Asnoŭnyja krainy — Rasija, Kazachstan, Armienija. My vykarystoŭvajem ułasnaje prahramnaje zabieśpiačeńnie. A heta i jość harantyja biaśpieki kiravańnia kampjutaram dystancyjna. Z hetaha punktu hledžańnia my davoli surjozna prasunulisia», — skazaŭ hiendyrektar «Haryzonta».

Pakul u Biełarusi pradajucca 5 madelaŭ ajčynnaha noŭtbuka. Samy tanny kaštuje 1119 rubloŭ 86 kapiejek i maje nastupnyja charaktarystyki:

  • Manitor: 14.0″ 1920×1080, TN+Film, 60 Hc
  • Pracesar: Intel Celeron N5100 1100 MHc
  • Pamiać: 8 HB LPDDR4
  • Dysk: SSD 256 HB

Siaredni varyjant kaštuje 1927,5 rubla:

  • Manitor: 15.6″ 1920×1080, IPS, 60 Hc
  • Pracesar: Intel Core i5 1155G7 2500 MHc
  • Pamiać: 8 HB DDR4
  • Dysk: SSD 512 HB

Samy darahi kaštuje 2399 rubloŭ i maje takuju načynku:

  • Manitor: 15.6″ 1920×1080, IPS, 60 Hc
  • Pracesar: Intel Core i7 1195G7 2900 MHc
  • Pamiać: 16 HB DDR4
  • Dysk: SSD 512 HB

Niahledziačy na słovy hiendyrektara «Haryzonta» pra «ŭłasnaje prahramnaje zabieśpiačeńnie», na ŭsich noŭtbukach prapisana, što tam ustalavanaja Windows 11 amierykanskaj karparacyi Microsoft.

U jakich krainach možna nabyć?

Noŭtbuki biełaruskaj vytvorčaści ŭ anłajn-prodažy žurnalisty znajšli tolki ŭ Rasii. Naprykład, u anłajn-hipiermarkiecie Eldorado samaja darahaja madel kaštuje 66 999 rubloŭ. Heta 2372 biełaruskija rubli pa kursie na 21 červienia. To-bok u Biełarusi taki noŭtbuk kaštuje navat daražej na 27 biełaruskich rubloŭ.

Kansultant hipiermarkieta pry hetym adznačaje, što «za takuju canu inšyja padobnyja noŭtbuki skončylisia 5-6 miesiacaŭ tamu».

Druhaja madel ad Horizont, jakuju atrymałasia znajści ŭ Rasii, kaštuje tańniej — 53 999 rasijskich rubloŭ (1912 biełaruskich). Heta siaredni varyjant, jaki ŭ Biełarusi pradajecca tańniej — za 1874 rubli.

Raniej novyja biełaruskija noŭtbuki paraŭnoŭvali ź liniejkaj Itel Spirit, bo jany vielmi padobnyja jak vonkava, tak i pa techničnych charaktarystykach. Noŭtbuk Itel Spirit 2 i5/16+512GB z takimi ž, jak i ŭ «haryzontaŭskaha», paramietrami kaštuje ŭ rasijskim hipiermarkiecie tańniej za svoj biełaruski anałah — 42 999 rasijskich rubloŭ (1528 biełaruskich).

Da biełaruskaha noŭtbuka za 1912 rubloŭ taksama padobnaja madel Lenovo IdeaPad 3 15ITL6. Kaštuje jana 42 999 rasijskich rubloŭ (1528 biełaruskich). Heta na 20% tańniej, čym biełaruski anałah.

Žurnalisty pasprabavali znajści biełaruski noŭtbuk ad Horizont u anłajn-hipiermarkietach i kramach inšych krain, adnak biespaśpiachova. Zhadki pra jaho niama navat u nazvanych hiendyrektaram Horizont Armienii i Kazachstanie.

Kamientary5

  • Blin
    22.06.2023
    Blin, i kak lenovo razriešiła pieriekleivať horizontu naklejki ?
    Priam, kak s unistožiennymi, ukrainskimi tankami po 4 kruhu, tak i s niedolej horizonta.
  • Npkhrpie
    22.06.2023
    Hary zont , Aser. Dy jakaja roźnica praŭda Pradko?
  • Hdie ostalnyje
    22.06.2023
    A čio maz i traktornyj skromno mołčat, o svoich uśpiechach v 18 stranach mira, hdie ich, kak probki, vybivajut kitajskije kompanii ???

Ciapier čytajuć

Ad BNF da HRU. Chto takaja Natalla Sudlankova, jakoj čechi zahadali pakinuć krainu5

Ad BNF da HRU. Chto takaja Natalla Sudlankova, jakoj čechi zahadali pakinuć krainu

Usie naviny →
Usie naviny

«ZŠA čujuć pazicyju Rasii». Pasłańnik Pucina raspavioŭ pra vyniki sustreč u Vašynhtonie2

Jak žyvie Aleś Muchin, viadomy znaŭca «Što? Dzie? Kali?»20

U Biełarusi zaćvili pładovyja drevy FOTAFAKT3

«Patryjatyčny fłešmob» u Homieli apynuŭsia pad pahrozaj zryvu. Nadta darahija pasłuhi milicyi

Amierykaniec, jaki pryjechaŭ ź Litvy ŭ tavarnym vahonie, choča zastacca ŭ Biełarusi12

Akcyi ZŠA paśla abjaŭleńnia Trampam handlovaj vajny patańnieli amal na $3 tryljony za hadzinu15

«Zastałosia adčuvańnie čužoha horada». Biełarusy-emihranty raskazali, jak ryzyknuli źjeździć na radzimu52

Biełaruska raskazała, jak damahłasia abmienu «niepłaciežazdolnych» dalaraŭ u banku2

Niekatorym kiroŭcam chočuć źmiakčyć pakarańnie za jazdu biez pravoŭ

bolš čytanych navin
bolš łajkanych navin

Ad BNF da HRU. Chto takaja Natalla Sudlankova, jakoj čechi zahadali pakinuć krainu5

Ad BNF da HRU. Chto takaja Natalla Sudlankova, jakoj čechi zahadali pakinuć krainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić