Jašče adna zorka suśvietnaha futboła pierabirajecca ŭ Saudaŭskuju Araviju
Pra padpisańnie kantrakta z forvardam «Livierpula» Rabierta Firmina abviaściŭ «Al-Achli».
31-hadovy brazilec padpisaŭ kantrakt da 2026 hoda, jak paviedamiŭ kłub u tvitary. Firmina pierajšoŭ u novy kłub u statusie svabodnaha ahienta.
Si Señor #WelcomeFirmino
pic.twitter.com/w0k9ell39A
Raniej «Al-Achli» kupiŭ hałkipiera «Čełsi» Eduara Miendzi za 16 miljonaŭ funtaŭ.
Firmina pačynaŭ karjeru ŭ brazilskim «Fihiejrensie», potym hulaŭ za niamiecki «Chofienchajm» (2011-2015), u «Livierpul» pierajšoŭ u 2015 hodzie. Pravioŭ 256 matčaŭ, zabiŭ 82 hały.
U śniežni 2022 hoda ŭ Saudaŭskuju Araviju pierabraŭsia z «ManJunajted» Kryštyjanu Ranałdu. A ŭžo letam 2023 hoda sprava była litaralna pastaŭlenaja na patok.
Spačatku da «Al-Itychad» dałučylisia francuzy Karym Bienziema («Reał») i N'hało Kante («Čełsi»), da «Al-Chilal» — partuhalec Rubien Nievieš («Vułvierchemptan»). Taksama pra pierajezd paviedamiŭ Kalidu Kulibali («Čełsi»).
Napeŭna tym ža maršrutam adpravicca jašče adzin hulec «Čełsi» — marakanski paŭabaronca Chakim Ziješ.
U «An-Nasr» pierachodzić z «Intera» charvat Marceła Brozavič.
Ale miascovyja kłuby chočuć jašče bolš zorak.
Razam z tym admovilisia pierajazdžać Lijaniel Miesi, Łuka Modryč, Toni Kros, Niejmar, Žordzi Alba.
Taksama araby sprabujuć damovicca z trenierami. Vialisia pieramovy z Masimiljana Alehry i Žaze Maŭryńju. Partuhalcu navat davali 30 miljonaŭ jeŭra za siezon. Jon admoviŭsia, kab zastacca ŭ «Romie». Zatoje damovilisia ź lehiendaj «Livierpula» Styvienam Džerardam. Jon budzie treniravać «Al-Ityfak».
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2929
Kamientary