Cichanoŭskaja ŭziała ŭdzieł u sustrečy žančyn-lidarak u ramkach samitu NATA
Jak paviedamlaje pres-słužba Śviatłany Cichanoŭskaj, udzieł u sustrečy brali ministarki zamiežnych spraŭ i abarony Bielhii, Francyi, Isłandyi, Narviehii, Rumynii, Słavienii, Finlandyi, Čechii, Kanady, Niderłandaŭ, Łatvii, Paŭnočnaj Makiedonii, Partuhalii, Ispanii, vice-premjerka Ukrainy i prezidentka Parłamienckaj asamblei NATA.
Na sustrečy abmiarkoŭvali pytańni jeŭrapiejskaj biaśpieki, dapamohi Ukrainie, zachavańnia adzinstva demakratyčnych krainaŭ. Cichanoŭskaja ŭ svaim vystupie zaklikała padtrymać i Biełaruś.
Padčas sustrečy Cichanoŭskaja adznačyła:
«Nie varta vypuskać z-pad uvahi i situacyju ŭ Biełarusi. Nie tolki praz humanitarnuju katastrofu, ź jakoj my sutykajemsia. Ale i tamu, što pad pahrozaj samo isnavańnie našaj krainy. I hetaja pahroza idzie ad Rasii i nielehitymnaha režymu ŭ Minsku. Ciapier abodva dyktatary źbirajucca raźmiaścić na našaj terytoryi jadziernuju zbroju i bandytaŭ «Vahniera», što zamacavała b rasijskuju prysutnaść na hady napierad. My nie pavinny hetaha dapuścić.
Biełarusy nie padtrymlivajuć rasijskaje panavańnie. Biełarusy za Ukrainu i za jeŭrapiejskuju budučyniu. Tamu vielmi važna raźmiažoŭvać biełaruski narod i režym».
Cichanoŭskaja zaklikała dać biełarusam jeŭrapiejskuju pierśpiektyvu.
«Biełarusy prademanstravali svaju addanaść jeŭrapiejskim kaštoŭnaściam u 2020 i praciahvajuć demanstravać svoj jeŭrapiejski vybar», — adznačyła jana.
Čytajcie taksama:
«Jaho tvorčaść była ŭvasableńniem niazłomnaha duchu biełaruskaha naroda» — Cichanoŭskaja pra Puškina
«Biełaruskaja apazicyja pieramoža, historyja na jaje baku» — premjer Łatvii
Cichanoŭskaja raskazała, čaho čakaje ad samitu NATA dla Biełarusi
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam9
Kamientary
I što kankretna jana prapanuje?
"Cichanoŭskaj zaklikała dać biełarusam jeŭrapiejskuju pierśpiektyvu." Nacie, biarycie.
Adna bałbatnia(((