«Biełaruskaja apazicyja pieramoža, historyja na jaje baku» — premjer Łatvii
Premjer-ministr Łatvii Kryšjanis Karyńš 11 lipienia padčas samitu NATA ŭ Vilni, adkazvajučy na pytańnie karespandenta telekanała «Biełsat», zajaviŭ pra važnaść padtrymki biełaruskaj demakratyčnaj apazicyi.
«Ja ŭpeŭnieny, što ŭrešcie apazicyja pieramoža. Historyja na jaje baku. My prosta pavinny prajści hety kavałak času razam», — zajaviŭ Kryšjanis Karyńš.
U toj ža čas prezident Polščy Andžej Duda padčas samitu zajaviŭ pra nieabchodnaść admysłovaj dyskusii adnosna Biełarusi. Nieabchodnaść abmierkavać biełaruskaje pytańnie vyklikanaja płanami raźmiaścić u Biełarusi jadziernuju zbroju i najmitaŭ PVK «Vahnier» z Rasii.
Pavodle Dudy, krainy NATA chočuć bačyć volnuju i niezaležnuju Biełaruś i padtrymlivajuć biełaruskaje hramadstva na hetym šlachu.
U svaju čarhu, Śviatłana Cichanoŭskaja zaklikała stvaryć kansultacyjnuju hrupu pry NATA z udziełam biełaruskich ekśpiertaŭ i pradstaŭnikoŭ, «bo vielmi časta mohuć vynosicca rašeńni, jakija nie karelujuca ź intaresami biełarusaŭ».
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary