Palitźniavolenuju Viktoryju Kulšu znoŭ adpravili ŭ ŠIZA. Za paŭhoda jana była tam 92 dni
Viktoryju dvojčy za hod asudzili pavodle č. 1 art. 411 KK (złosnaje niepadparadkavańnie zakonnym patrabavańniam administracyi kałonii). Apošni raz sud pryznačyŭ žančynie jašče adzin hod źniavoleńnia ŭ dadatak da troch z pałovaj hadoŭ kałonii.
Za paŭhoda ŭ zarečanskaj kałonii Viktoryja adbyła minimum 92 dni ŭ ŠIZA i paŭhoda ŭ PKT. Pa infarmacyi pravaabaroncaŭ, adzin z nahladčykaŭ dušyŭ Viktoryju łokciem, stojačy zzadu, a taksama ciahaŭ jaje pa kamiery. Akramia taho, žančyna niekalki razoŭ u kałonii trymała haładoŭki na znak pratestu suprać žudasnych umoŭ. Praz heta ŭ jaje dvojčy zdaraŭsia sardečny prystup.
22 červienia Viktoryju etapavali ŭ žanočuju kałoniju №24.
Učora, 2 žniŭnia, da jaje nie puścili advakata. Pryčyna ŭ tym, što palitźniavolenuju źmiaścili ŭ ŠIZA na 10 sutak, piša «Viasna».
Adras dla padtrymki: PK № 24, 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść, Viktoryja Alaksandraŭna Kulša.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary