Eks-milicyjantu vynieśli surovy prysud pa spravie ČKB. Jon pryjechaŭ u Biełaruś i jaho zatrymali
Kiryła Hniaździłaŭ z 2007 hoda słužyŭ u milicyi apieratyŭnym upaŭnavažanym, ale zvolniŭsia ŭ žniŭni 2020 hoda i pierajšoŭ u IT.
Kiryłu zatrymali 19 lutaha 2023 hoda prosta na miažy: jon paŭhoda žyŭ u Polščy, a ŭ Brest pryjazdžaŭ naviedać žonku i maleńkaje dzicia.
Pra kryminalnuju spravu viadoma niašmat: sud prachodziŭ u zakrytym režymie. Viadoma tolki, što sprava była źviazanaja z «Čornaj knihaj Biełarusi». Za heta vystavili dva kryminalnyja artykuły: sadziejničańnie raspalvańniu varožaści (č.6 art. 16 i č. 1 art. 130 KK), niezakonnyja dziejańni ŭ dačynieńni da infarmacyi ab pryvatnym žyćci (č. 3 203-1 KK), paviedamlaje Bresckaja viasna.
Spravu razhladaŭ Brescki abłasny sud ciaham šaści pasiadžeńniaŭ (sudździa — Andrej Leščanka).
U vyniku Kiryła Hniaździłava asudzili na vosiem hadoŭ kałonii ŭzmocnienaha režymu, a taksama pastanavili vypłacić maralnuju kampiensacyju dvum paciarpiełym: 2000 i 1000 rubloŭ adpaviedna, a telefon kanfiskavać «jak srodak złačynstva». Taksama Kiryła pazbavili kapitanskaha zvańnia.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary