Troch čałaviek z Naroŭli sudzili za toje, što nie ŭstali na vypusknym viečary pad dziaržaŭny himn
Na ŭračystaj častcy vypusknoha viečara ŭ adnoj z naraŭlanskich škoł daviałosia prysutničać miascovamu žycharu Maksimu Hałavackamu i jaho siabram. U momant, kali vykonvaŭsia dziaržaŭny himn Biełarusi, jon i jašče dva čałavieki zastalisia siadzieć na svaich miescach.
Jak piša «Homielskaja Viasna», pravaparušeńnie było nastolki surjoznym, što pilnaje voka pravaachoŭnikaŭ heta zaŭvažyła i, zamiest prafiłaktyčnaj hutarki, supracoŭniki Naraŭlanskaha RAUS paśpiašalisia skłaści administracyjnyja pratakoły na «złosnych parušalnikaŭ pravaparadku».
Pravabaroncam stała viadoma, što 2 žniŭnia ŭ sudździe Naraŭlanskaha rajona sudździa Vaŭrantovič Alaksandr razhladaŭ administracyjnuju spravu 25-hadovaha Maksima Hałavackaha pa artykule 24.54 KaAP RB «Niezakonnyja dziejańni ŭ dačynieńni da dziaržaŭnych simvałaŭ».
Viadoma, što da administracyjnaj adkaznaści byli pryciahnutyja i jaho siabry. Pastanova suda pakul nieviadomaja, jak i nieviadoma, ci adbyŭsia razhlad spraŭ, zaviedzienych na jaho siabroŭ.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary