«Mnie 34 hady, ja biełarus, upieršyniu ŭ žyćci ŭbaču mirnuju pieradaču ŭłady». Hety dopis byłoha biełaruskaha dypłamata ŭzvarušyŭ tvitar
Były supracoŭnik biełaruskaha MZS i palityčny analityk Pavieł Śluńkin ciapier žyvie ŭ Polščy, dzie na vychodnych prajšli parłamienckija vybary. Pavieł apisaŭ svaje ŭražańni ad ich — tvit pračytali miljony ludziej.
Fota: PavelSlunkin / Twitter
«Mnie 34 hady, ja biełarus, žyvu ŭ vyhnańni ŭ Polščy.
Upieršyniu ŭ svaim žyćci ja ŭbaču mirnuju pieradaču ŭłady. Da apazicyi. Paśla demakratyčnych vybaraŭ. Pry jaŭcy 73% vybarščykaŭ.
Majo pasłańnie vam — šanujcie i abaraniajcie svaju demakratyju. Vy navat ujavić sabie nie možacie, jaki cud u vas jość», — napisaŭ Śluńkin.
Heta dopis sabraŭ bolš za 11 tysiač repostaŭ i 3 miljony prahladaŭ.
Śluńkin — palityčny analityk Jeŭrapiejskaj rady pa mižnarodnych adnosinach. Bolš za 6 hadoŭ adpracavaŭ u biełaruskim MZS i syšoŭ na chvali pratestaŭ.
Kamientary