«Minsktrans» prakamientavaŭ zadymleńnie MAZa ŭ Minsku — «uzharańnia nie było»
Na vuł. Kujbyšava ŭ aŭtobusie 24-ha maršrutu pamyłkova spracavała sistema pažaratušeńnia, paviedamiła karespandentu «Minsk-Naviny» pres-sakratar dziaržpradpryjemstva «Minsktrans» Alena Hramyka.
Aŭtobus «MAZ 215» ruchaŭsia pa vuł. Kujbyšava, kali spracavała sistema pažaratušeńnia ŭ adsieku padahravalnika vadkaści ruchavika. Kiroŭca vysadziŭ pasažyraŭ, kab harantavać ich biaśpieku, pakul nie stanie zrazumieła, što ž zdaryłasia, raspaviała Hramyka.
Pavodle jaje, uzharańnia nie było — adbyłosia pamyłkovaje spracoŭvańnie sistemy. Jana paraškovaja, tamu z boku vidavočcam mahło padacca, što aŭtobus dymicca. Jon svaim chodam adpraviŭsia ŭ park dla ahladu, dadaje vydańnie.
Zdareńnie adbyłosia ŭ Minsku 1 śniežnia, ale kamientar «Minsktrans» daŭ tolki ciapier, kali videa zavirusiłasia ŭ sacsietkach.
Kamientary