Rasijski prankier kinuŭ hrošy ŭ vadu i zdymaŭ na VIDEA, chto palezie ich dastavać
Ale žorstka praličyŭsia ź miescam dla žartu. U vyniku jamu pahražaje da 5 hadoŭ kałonii.
U Rasii zatrymali bajca pop-MMA Śviatasłava Kavalenku i jahonaha siabra paśla skandalnaha videa, na jakim jany prapanoŭvali ludziam nyrać u vadu za kupiuraj u 5 tysiač rasijskich rubloŭ (kala 59 dalaraŭ) kala Mamajeva kurhana ŭ Vałhahradzie.
Pavodle źviestak rasijskich ŚMI, 24 lipienia 36‑hadovy błohier razam ź siabram kinuŭ hrošy kala manumienta «Stajać naśmierć» i zaklikaŭ ludziej dastać ich z vady. Usio heta jon źniaŭ na videa i paśla apublikavaŭ u sacyjalnych sietkach. Jahony 31‑hadovy znajomy Andrej Jarašenka pry hetym syhraŭ rolu minaka, jaki nibyta skočyŭ u vadu za hrašyma.
Paśla skandału, jaki ŭźnik paśla hetaha vypadku, Kavalenka i Jarašenka źjechali z Vałhahradskaj vobłaści.
Paśla mužčyn zatrymali ŭ roznych rehijonach Rasii. Ich abvinavačvajuć u apahanieńni vajskovych pachavańniaŭ i miemaryjalnaha zbudavańnia. Za takoje złačynstva im moža pahražać da piaci hadoŭ pazbaŭleńnia voli i štraf da 5 miljonaŭ rasijskich rubloŭ.
Paźniej sud aryštavaŭ Kavalenku i Jarašenku da 5 kastryčnika. Bajec svaju vinu pryznaŭ, a jaho siabar — nie.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary