Staršynia KNR i Alaksandr Łukašenka na sustrečy ŭ Piekinie abmiarkoŭvali «ŭkrainskaje pytańnie». Pra heta koratka napisała ahienctva «Sińchua», biełaruskija dziaržaŭnyja miedyja heta nie ŭzhadali.
Raniej ekśpierty vykazvali dumki, što strata Biełaruśsiu statusu nadziejnaha transpartnaha kalidoru (praz saŭdzieł u vajnie va Ukrainie, mihrancki kryzis i sankcyi) vyzyvaje niezdavolenaść u Kitaja.
U toj ža čas Si Czińpin u svajoj pramovie, jak pieradaje «Sińchua», zajaviŭ, što Kitaj «hatovy praciahvać umacoŭvać stratehičnuju kaardynacyju ź Biełaruśsiu, ćviorda padtrymlivać adzin adnaho, sadziejničać praktyčnamu supracoŭnictvu i praciahvać pahłyblać kitajska-biełaruskija adnosiny».
Si Czińpin adznačyŭ, što za minuły hod «jašče bolš umacavaŭsia palityčny ŭzajemadavier pamiž krainami, stała bolš ciesnym mižnarodnaje supracoŭnictva».
Kamientary