U Polščy śćviardžajuć, što z Ukrainy mahła zalacieć rasijskaja rakieta
Polski telekanał Polsat News pa «nieaficyjnaj infarmacyi z vajskovych krynic» paviedamiŭ, što nieviadomym abjektam, jaki parušyŭ pavietranuju prastoru Polščy ŭ piatnicu, 29 śniežnia, stała rasijskaja rakieta.
Infarmacyja krynic Polsat News nibyta śviedčyć pra toje, što abjektam, jaki zalacieŭ na terytoryju Polščy ŭ piatnicu ranicaj, chutčej za ŭsio, była rasijskaja kryłataja rakieta Ch-22 abo Ch-101.
«Pavodle nieaficyjnaj infarmacyi z vajskovych krynic, rakieta nibyta pralacieła ŭzdoŭž miažy i parušyła našu pavietranuju prastoru. Paśla źmieny trajektoryi jana pavinna była viarnucca na ŭkrainskuju terytoryju i tam, imavierna, była źbitaja ŭkrainskaj sistemaj supraćpavietranaj abarony», — havorycca ŭ materyjale.
Takuju ž viersiju vykazaŭ načalnik Hienieralnaha štaba Uzbrojenych sił Polščy hienierał Viesłaŭ Kukuła:
«Usio śviedčyć pra toje, što rasijskaja rakieta ŭvarvałasia na terytoryju Polščy. Jaje adsačyli, a zatym jana vylecieła z našaj terytoryi. My viadziem pošuki, kab jašče pravieryć heta».
Kiraŭnik Minabarony Polščy zajaviŭ, što znachodzicca ŭ pastajannym kantakcie z prezidentam, premjer-ministram, načalnikam Hienieralnaha štaba i apieratyŭnym kamandujučym Uzbrojenych Sił.
Raniej paviedamlałasia, što ranicaj u pavietranuju prastoru Polščy z boku miažy z Ukrainaj zalacieŭ nieapaznany pavietrany abjekt, jaki z momantu pierasiačeńnia miažy da miesca źniknieńnia sihnału naziraŭsia radyjołakacyjnymi srodkami sistemy SPA krainy.
Abjekt zaŭvažyli žychary hminy Daŭhabyčaŭ Lublinskaha vajavodstva. Havorka idzie pra rajon vakoł Pševodava — mienavita tut hod tamu vybuchnuła rakieta, jakaja prylacieła z-za miažy.
Heta adbyłosia na fonie taho, što ŭ noč na 29 śniežnia Rasieja naniesła masiravany ŭdar pa Ukrainie. Pad udaram apynulisia Kijeŭ, Charkaŭ, Dniapro, Adesa, Lvoŭ, Zaparožža i inšyja harady. Jość zahinułyja i paranienyja.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj32
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
…Nibyta pralacieła…
i…rakieta uvarvałasia)))
Jany sačyli))ale nie źbili)) što za divo??🤣🤣🤣