Bolš za 200 tysiač čałaviek. Stolki źjechała ź Biełarusi za dva hady pa aficyjnych źviestkach
Načalnik Departamienta hramadzianstva i mihracyi Ministerstva ŭnutranych spraŭ Alaksiej Biahun u svaim intervju Maratu Markavu na ANT siarod inšaha zakranuŭ pytańnie, kolki biełarusaŭ za apošnija hady pakinuła radzimu.
Adkaz Biehuna na kankretnaje pytańnie byŭ vielmi šmatsłoŭnym i časam raspłyvistym. Čynoŭnik pieradusim imknuŭsia dakazać, što emihracyja mnohich biełarusaŭ nie źviazanaja z palitykaj. Naprykład, što ajcišniki prosta vymušanyja rełakavacca ź Biełarusi z-za taho, što Zachad uvioŭ sankcyi.
Ale ŭrešcie ličba ŭsio ž prahučała — bolš za 200 tysiač biełarusaŭ ciapier žyvuć i pracujuć za miežami krainy.
Raniej prybliznuju ličbu tych, chto źjechaŭ ź Biełarusi, nazyvaŭ namieśnik ministra ŭnutranych spraŭ i kamandujučy Unutranymi vojskami Mikałaj Karpiankoŭ padčas mierapryjemstva ŭ ramkach vajskovych zboraŭ. Pavodle jaho infarmacyi, hetaja ličba jašče bolšaja — 350 tysiač čałaviek.
Mahčyma, adnak, što hetyja ličby bolš-mienš suadnosnyja pamiž saboj, bo Biahun, pa jahonych słovach, padaŭ źviestki tolki za dva hady — 2021-y i 2022-i. U toj čas jak davoli masavaja emihracyja pačałasia pa miery raźvićcia represiŭnaha miechanizmu jašče ŭ 2020-m, a ŭ 2023-m hodzie jana praciahvałasia.
Biahun pryznaje, što vyjezd hetych ludziej ź Biełarusi maje niehatyŭnyja vyniki dla biełaruskaj ekanomiki:
«Viadoma, šmat, tamu što heta pracazdolnaje nasielnictva».
Ale ŭ toj ža čas adrazu paśla hetych słoŭ pačynaje davodzić vidavočna nie adpaviednyja rečaisnaści tezisy, što ŭ Biełarusi tym, chto viartajecca ŭ jaje paśla doŭhaj adsutnaści, ničoha, maŭlaŭ, nie pahražaje, i tyja ž pašparty možna pryjazdžać mianiać biez usialakich nastupstvaŭ.
Na praktycy ž rehularna źjaŭlajucca paviedamleńni, što niekatoryja ludzi, jakija ryzyknuli źjavicca ŭ Biełarusi paśla doŭhaj adsutnaści i majuć za saboj niejkija ideałahičnyja «hrachi», padviarhajucca represijam roznaj stupieni surovaści. I ahulnaja kolkaść takich ludziej idzie ŭžo jak minimum na sotni.
«U viek tatalnaha kantrolu heta lohka vyjaŭlajecca». Źbirajucca ŭvieści adkaznaść za niepaviedamleńnie pra druhoje hramadzianstva ci zamiežny DNŽ
U MUS adkazali, ci buduć pazbaŭlać hramadzianstva biełarusaŭ, u jakich jość dakumienty inšych dziaržaŭ
Bolš za 58 tysiač biełarusaŭ užo paviedamili, što majuć dakumienty zamiežnych dziaržaŭ — MUS
«Pahladzieŭ kartu pad svajoj lampaj mahičnaj i pažadaŭ ščaślivaj darohi». Ci sapraŭdy pamiežniki nie vypuskajuć ź Biełarusi, kali čałaviek nie paviedamiŭ pra zamiežny DNŽ?
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary
Pamnažajcie ličbu na 2.