Больш за 200 тысяч чалавек. Столькі з'ехала з Беларусі за два гады па афіцыйных звестках
Начальнік Дэпартамента грамадзянства і міграцыі Міністэрства ўнутраных спраў Аляксей Бягун у сваім інтэрв'ю Марату Маркаву на АНТ сярод іншага закрануў пытанне, колькі беларусаў за апошнія гады пакінула радзіму.
Адказ Бегуна на канкрэтнае пытанне быў вельмі шматслоўным і часам расплывістым. Чыноўнік перадусім імкнуўся даказаць, што эміграцыя многіх беларусаў не звязаная з палітыкай. Напрыклад, што айцішнікі проста вымушаныя рэлакавацца з Беларусі з-за таго, што Захад увёў санкцыі.
Але ўрэшце лічба ўсё ж прагучала — больш за 200 тысяч беларусаў цяпер жывуць і працуюць за межамі краіны.
Раней прыблізную лічбу тых, хто з'ехаў з Беларусі, называў намеснік міністра ўнутраных спраў і камандуючы Унутранымі войскамі Мікалай Карпянкоў падчас мерапрыемства ў рамках вайсковых збораў. Паводле яго інфармацыі, гэтая лічба яшчэ большая — 350 тысяч чалавек.
Магчыма, аднак, што гэтыя лічбы больш-менш суадносныя паміж сабой, бо Бягун, па ягоных словах, падаў звесткі толькі за два гады — 2021-ы і 2022-і. У той час як даволі масавая эміграцыя пачалася па меры развіцця рэпрэсіўнага механізму яшчэ ў 2020-м, а ў 2023-м годзе яна працягвалася.
Бягун прызнае, што выезд гэтых людзей з Беларусі мае негатыўныя вынікі для беларускай эканомікі:
«Вядома, шмат, таму што гэта працаздольнае насельніцтва».
Але ў той жа час адразу пасля гэтых слоў пачынае даводзіць відавочна не адпаведныя рэчаіснасці тэзісы, што ў Беларусі тым, хто вяртаецца ў яе пасля доўгай адсутнасці, нічога, маўляў, не пагражае, і тыя ж пашпарты можна прыязджаць мяняць без усялякіх наступстваў.
На практыцы ж рэгулярна з'яўляюцца паведамленні, што некаторыя людзі, якія рызыкнулі з'явіцца ў Беларусі пасля доўгай адсутнасці і маюць за сабой нейкія ідэалагічныя «грахі», падвяргаюцца рэпрэсіям рознай ступені суровасці. І агульная колькасць такіх людзей ідзе ўжо як мінімум на сотні.
Watch on TikTok
«У век татальнага кантролю гэта лёгка выяўляецца». Збіраюцца ўвесці адказнасць за непаведамленне пра другое грамадзянства ці замежны ДНЖ
У МУС адказалі, ці будуць пазбаўляць грамадзянства беларусаў, у якіх ёсць дакументы іншых дзяржаў
Больш за 58 тысяч беларусаў ужо паведамілі, што маюць дакументы замежных дзяржаў — МУС
«Паглядзеў карту пад сваёй лямпай магічнай і пажадаў шчаслівай дарогі». Ці сапраўды памежнікі не выпускаюць з Беларусі, калі чалавек не паведаміў пра замежны ДНЖ?
Каментары
Памнажайце лічбу на 2.