«U viek tatalnaha kantrolu heta lohka vyjaŭlajecca». Źbirajucca ŭvieści adkaznaść za niepaviedamleńnie pra druhoje hramadzianstva ci zamiežny DNŽ
U Biełarusi za niepaviedamleńnie ŭładam pra druhoje hramadzianstva płanujuć nieŭzabavie ŭvieści administracyjnuju adkaznaść, zajaviŭ u efiry telekanała ANT načalnik Departamienta hramadzianstva i mihracyi Ministerstva ŭnutranych spraŭ Alaksiej Biahun.
«Tak, ciapier heta, viadoma, nie źjaŭlajecca pravaparušeńniem. Ale zakanadaŭca taksama pra heta zadumaŭsia. I kampietentnyja orhany taksama pra heta dumajuć. Tamu my prapracoŭvajem sumiesna z zacikaŭlenymi bakami hetaje pytańnie, kab usio ž taki ŭnieści adkaznaść.
Tamu što abaviazak infarmavańnia jość, častka zakonapasłuchmianych hramadzian vykanała hety abaviazak, a chtości dumaje zastacca ŭbaku ci nie paviedamić pra heta. U kožnym vypadku, viek sučasnych technałohij, viek tatalnaha kantrolu ŭ peŭnych punktach za asobaj — heta davoli lohka vyjaŭlajecca», — zajaviŭ Alaksiej Biahun.
Paśla hetaha jon pierajšoŭ da pahrozaŭ:
«Kali jany dumajuć, što paźbiehnuć nieabchodnaści apaviaščać našy kampietentnyja orhany pra najaŭnaść zamiežnaha hramadzianstva, to jany vielmi hłyboka pamylajucca.
Kali budzie adpaviednaja adkaznaść — hramadzianie buduć pryciahvacca da administracyjnaj adkaznaści. U Rasijskaj Fiederacyi naohuł isnuje kryminalnaja adkaznaść za paŭtornaje nieinfarmavańnie.
Pakul kampietentnyja orhany raspracoŭvajuć adpaviednyja normy, kab znajści bałans pamiž ciažaram praviny i adkaznaściu: śviadoma jon heta zrabiŭ ci pa niepamiatlivaści, ci tamu, što doŭhi čas nie znachodziŭsia na terytoryi krainy.
U hetym hodzie inicyjujem adpaviedny dakumient, kab jon byŭ u nastupnym pryniaty. Jość abaviazak — pavinna być i adkaznaść za nievykanańnie», — zajaviŭ Biahun.
Pavodle jaho słoŭ, 70 tysiač biełarusaŭ užo paviedamili ŭładam pra najaŭnaść u ich zamiežnych dakumientaŭ.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary