U MUS adkazali, ci buduć pazbaŭlać hramadzianstva biełarusaŭ, u jakich jość dakumienty inšych dziaržaŭ
Načalnik Departamienta pa hramadzianstvie i mihracyi MUS Alaksiej Biahun prakamientavaŭ patrabavańnie ŭładaŭ paviedamlać u milicyju ab najaŭnaści dakumientaŭ zamiežnaj dziaržavy, da prykładu, «karty palaka». Ci praŭda, što kali adpraviš takoje apaviaščeńnie, to mohuć pazbavić biełaruskaha hramadzianstva? — spytali ŭ jaho.
Biahun nazvaŭ heta fejkam.
— Akramia taho, u internecie raspaŭsiudžvajecca łžyvaja infarmacyja, što biełarusaŭ nie buduć vypuskać za miažu, kali jany nie apaviaścili adpaviednyja orhany ab najaŭnaści dakumientaŭ, vydadzienych u inšych krainach. I heta niapraŭda.
Pavodle jaho słoŭ, z 2002 hoda najaŭnaść zamiežnaha hramadzianstva nie zjaŭlajecca padstavaj dla straty hramadzianstva Respubliki Biełaruś, jak było raniej. U tym ža hodzie prybrali pierachodnuju normu, adpaviedna ź jakoj dzicia pa dasiahnieńni 18 hadoŭ pavinna było vybrać hramadzianstva, kali ŭ jaho było niekalki pašpartoŭ. Dla biełaruskaha boku takoje dzicia ciapier ličycca hramadzianinam Biełarusi, i paśla paŭnalećcia jano moža navat słužyć u nas u vojsku.
Ale kali ŭźnikaje pytańnie pra kantraktnuju słužbu, pryjom na dziaržaŭnuju słužbu ci inšuju pracu, źviazanuju z prynaležnaściu da našaj krainy, to tut biez vychadu ź inšaha hramadzianstva nie abyścisia, kaža Biahun.
Pakul adkaznaści za toje, što nie paviedamiŭ pra dakumienty inšych krain niama, ale «prapracoŭvajecca ŭviadzieńnie peŭnych mier suprać tych, chto praihnaruje patrabavańnie zakona».
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary