Hitanas Naŭsieda znoŭ vystupiŭ za adnolkavyja abmiežavańni dla biełarusaŭ i rasiejcaŭ
Prezident Litvy Hitanas Naŭsieda vystupiŭ za ŭviadzieńnie adnolkavych abmiežavańniaŭ dla hramadzian Biełarusi i Rasii. Pra heta jon zajaviŭ siońnia na sustrečy z praŭleńniem Siejma Litvy, paviedamlaje LRT.
Naŭsieda nahadaŭ, što z samaha pačatku byŭ za ŭraŭnavańnie abmiežavańniaŭ dla biełarusaŭ i rasiejcaŭ.
«Ja z samaha pačatku kazaŭ, što sproba adździalić dva režymy — Biełaruś i Rasiju — adzin ad adnaho moža pryvieści da niepryjemnaściaŭ. Siońnia my bačym, što heta tak», — adznačyŭ jon.
Naŭsieda zaklikaŭ reahavać na vypadki, kali biełarusy nie prajaŭlajuć łajalnaść da Litvy.
«U nas jość roznyja prykłady, kali biełaruskija hramadzianie, jakija pasialilisia tut, na žal, nie prajaŭlajuć vialikaj łajalnaści da Litoŭskaj Respubliki, na heta nieabchodna reahavać», — adznačyŭ prezident Litvy.
Viasnoj 2023 hoda litoŭski Siejm admoviŭsia ŭvodzić adnolkavyja abmiežavańni dla biełarusaŭ i rasiejcaŭ. Naŭsieda tady nakłaŭ vieta na zakon, adnak parłamient jaho pieraadoleŭ.
«Litva dakładna trymaje liniju padziełu pamiž demakratyčnymi biełarusami i saŭdzielnikami režymu» — Jurkonis
U Litvie prapanavali pazbaŭlać dazvołaŭ na žycharstva biełarusaŭ, jakija čaściej čym raz na miesiac jeździać na radzimu
Naŭsieda pra zakryćcio KPP na miažy ź Biełaruśsiu: Žaleznaja zasłona pamiž Zachadam i Uschodam užo apuściłasia
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary