Uzmocnieny kantrol čyhunki na polskaj miažy spyniŭsia praz 33 hadziny. Słova za Łukašenkam
Polskija dypłamaty adznačajuć, što heta demanstracyja mahčymaściaŭ — dakładny sihnał režymu Łukašenki.
Abiacany ŭzmocnieny kantrol tavaraŭ u bujnym terminale mytnaha afarmleńnia ŭ Małaševičach na miažy ź Biełaruśsiu praciahvaŭsia 33 hadziny. Pra heta paviedamlaje polskaja radyjostancyja RMF FM.
Aficyjna mytnaja słužba paviedamiła ab praviadzieńni płanavych inśpiekcyjnych mierapryjemstvaŭ z metaj abarony mytnaj terytoryi ES ad prytoku niebiaśpiečnych hruzaŭ ci rečyvaŭ. Źmieściva kantejnieraŭ, jakija trapili ŭ Polšču praź Biełaruś (u asnoŭnym z Kitaja), staranna praviarałasia.
Vydańnie piša, što polskija ŭłady pryniali rašeńnie ab hetaj formie cisku na režym Łukašenki zychodziačy z taho, što dachody ad tranzitu składajuć značnuju častku pastupleńniaŭ u dziaržaŭny biudžet Biełarusi.
Akramia hetaha polski bok raźličvaje, što ich dziejańni vykličuć adpaviednuju reakcyju z boku Kitaja, jaki moža prajhrać ad błakiroŭki terminała ŭ Małaševičach, praź jaki pa sušy iduć kitajskija tavary na Zachad.
Jak adznačaje vydańnie, polskija dypłamaty ŭ nieaficyjnych razmovach adznačyli, što heta demanstracyja mahčymaściaŭ — dakładny sihnał režymu Łukašenki ab tym, što polskija ŭłady mohuć na zakonnych padstavach zabłakavać čyhunačny tranzit z uschodu praź Biełaruś u Jeŭrasajuz.
Raniej pa dypłamatyčnych kanałach Varšava patrabavała ad Minska vydać zabojcu polskaha sałdata, spynić mihracyjny cisk na miažy, vyzvalić Andžeja Pačobuta i inšych palitviaźniaŭ.
Polšča ŭviadzie detalovy kantrol tranzitu z Kitaja praź Biełaruś, daviała da Minska patrabavańni
Łatuška: Łukašenka sklikaŭ zakrytaje pasiadžeńnie Rady biaśpieki dla abmierkavańnia patrabavańniaŭ Polščy
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ
Polšča zapatrabavała ŭ Biełarusi vydać zabojcu polskaha pamiežnika
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary