«Au! Kudy vy źnikli?» Jak minčanka pierajhrała kvaternych afierystaŭ
Jašče krychu — i Minsk zapoŭnicca studentami, a taksama ich baćkami, jakim daviadziecca vyrašać pytańnie z zabieśpiačeńniem dachu nad hałavoj lubimaha dziciaci. Pradčuvajučy napłyŭ inšaharodnich, ašukancy nie dremluć. Na internet-placoŭkach raz-poraz zjaŭlajucca abjavy ab zdačy kvatery: simpatyčnaj, zručna raźmieščanaj i, samaje hałoŭnaje, niedarahoj. Na pryvabnuju prapanovu natknułasia čytačka Onliner Jana.
«Za adnušku na praśpiekcie Puškina «ŭłaśniki» prasili ŭsiaho $175 pa kursie. Heta pry tym, što kvatera z dobrym ramontam i kala mietro. Za takija zaraz prosiać ad $260. Pakolki cana nieadekvatnaja rynku, ja vyrašyła pravieryć, ašukancy heta ci nie, i voś što vyjšła, — raspaviadaje dziaŭčyna, jakaja paśpieła zaskrynić pierapisku. — Samaje hałoŭnaje: numar telefona biełaruski, karta biełaruskaja, pašpart biełaruski. Usio heta vyklikaje davier. Škada našych ludziej. Možna tolki ŭjavić, kolki ludziej paśpieli pieravieści im hrošy. Bo zaraz ustupnaja kampanija skončyłasia i siemji ź inšych haradoŭ sapraŭdy šukajuć žyllo. Zaŭtra pajdu pisać zajavu ŭ milicyju!»
Uvažlivaść da detalaŭ i niedavierlivaść dziaŭčyny daviali da šalenstva afierystaŭ. Ad dyjałohu jany samaŭchililisia. I zrabili heta dastatkova niervova.
Adznačym, što apietyty ašukancaŭ stali bolš ścipłymi: raniej u jakaści pieradapłaty za prava žyć u kvatery, jakuju nichto ŭ vočy nie bačyŭ, prasili ŭ rajonie 250 rubloŭ. A tut — źnižka.
Nahadajem, što pieravodzić hrošy za mietry, jakija vy nie acanili asabista, nie varta. I vieryć fatahrafijam dakumientaŭ (padać hatovyja navat techpašpart i paśviedčańnie ab rehistracyi) taksama nielha: sučasnyja prahramy dazvalajuć tak «nafotašopić», što nie padkapaješsia. Tolki asabistaja sustreča, pravierka dakumientaŭ, zaklučeńnie damovy i tady ŭžo pieradača hrošaj.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary