Zabojca polskaha sałdata na miažy ŭstanoŭleny. Jon usio jašče ŭ Biełarusi
Polskija słužby ŭstanavili i šukajuć zabojcu polskaha sałdata, jaki achoŭvaŭ miažu ź Biełaruśsiu. Pra heta paviedamlaje vydańnie RMF FM sa spasyłkaj na svaje krynicy.
Śmiarotnaje nažavoje ranieńnie 21-hadovy polski radavy 1-j Varšaŭskaj tankavaj bryhady Matevuš Sitak atrymaŭ 28 maja. Jon pamior 6 červienia, nahadvaje Reform.news.
Ustanoŭlena, što napadnik — vychadziec ź Blizkaha Uschodu. Jon usio jašče znachodzicca ŭ Biełarusi, ale moža evakujavacca ŭ Siryju, ličać polskija słužby.
Śledčyja ŭstanavili zabojcu polskaha sałdata, praanalizavaŭšy zapisy z momantu pačatku napadaŭ na miažu. Dziakujučy hetamu ŭdałosia vyznačyć, jak vyhladaŭ złamyśnik.
Niekalki tydniaŭ polskija śpiecsłužby dapytvali mihrantaŭ, jakija trapili ŭ Polšču. Taksama vykarystoŭvalisia infarmatary z hrup mihrantaŭ, jakija pražyvajuć ciapier u Biełarusi. Dziakujučy hetamu było dakładna ŭstanoŭlena, chto hety mužčyna.
Raniej polskija ŭłady patrabavali ad biełaruskaha režymu pravieści rasśledavańnie i vydać zabojcu, adnak publičnaha adkazu nie było. Žurnalisty RMF FM robiać vysnovu, što zabojstva adbyłosia sa zhody režymu Łukašenki. U hetaj situacyi buduć nieabchodnyja dziejańni śpiecsłužbaŭ.
Nie vyklučana, što paśla raskryćcia infarmacyi pra jaho asobu zabojca ŭciače ź Biełarusi ŭ Siryju ci inšuju blizkaŭschodniuju krainu. Zachapić jaho tam polskimi słužbami, a zatym pieradać u sud, jak heta ni paradaksalna, moža być praściej, upeŭnienyja polskija žurnalisty.
Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku
U polskich śledčych moža być DNK čałavieka, jaki śmiarotna paraniŭ pamiežnika na miažy ź Biełaruśsiu
U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Alaksandr Valfovič: Mihranty iduć — ich nie spyniš
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary