Dziaržsakratar Rady biaśpieki Alaksandr Valfovič u intervju «Biełaruś 1» vykazaŭ svajo bačańnie situacyi na biełaruska-polskaj miažy.
Alaksandr Valfovič admaŭlaje dačynieńnie biełaruskich uładaŭ da sprobaŭ siłavoha praryvu polskaj miažy.
«Viadoma, toje, što siońnia adbyvajecca na polskaj miažy, i abvinavačvańni Biełarusi ŭ padšturchvańni, skažam tak, mihrantaŭ, kab jany nanosili škodu polskamu boku — biełaruski bok nijakich krokaŭ nie robić. My achoŭvajem svaju miažu. Ale mihranty jany jość, iduć — ich nie spyniš. Heta ludzi, jakija naceleny na dobraje žyćcio, žyćcio na Zachadzie, pra jakoje Zachad pastajanna raskazvaje», — zaznačyŭ jon.
28 traŭnia mihrant, jaki sprabavaŭ nielehalna trapić ź Biełarusi ŭ Polšču, udaryŭ nažom polskaha žaŭniera. 6 červienia 21-hadovy pamiežnik Matevuš Sitak pamior u špitali. Valfovič ničoha nie skazaŭ pra zabojstva polskaha žaŭniera.
Mihrancki kryzis uźnik u 2021 hodzie. Alaksandr Łukašenka zajaviŭ, što Biełaruś bolš nie budzie strymlivać nielehalnych mihrantaŭ u krainy Jeŭrasajuza, bo praz sankcyi «ŭ nas na heta niama ni hrošaj, ni sił».
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary