U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Pravaachoŭnym orhanam Polščy viadoma, jak vyhladaje mužčyna, jaki nanios śmiarotnaje nažavoje ranieńnie maładomu sałdatu na biełaruskaj miažy. Jaho asabistyja danyja ŭstanaŭlivajucca, u tym liku ŭ mihranckaj supolnaści, piša reform.news sa spasyłkaju na vydańnie Rzeczpospolita.
Momant napadu na 21-hadovaha radavoha Matevuša Sitaka, jaki byŭ paranieny nažom, prymacavanym da pałki, kali jon padychodziŭ da płota, kab pieraškodzić praryvu mihrantaŭ, zafiksavali kamiery Pamiežnaj słužby, ustalavanyja na mačtach.
Na videa bačny złačyniec, chacia fatahrafija razmytaja. Paśla prachodžańnia śpiecyjalizavanaj apracoŭki stanie zrazumieła, nakolki vyraznaj budzie vyjava jaho tvaru.
«U napadnika asmuhłaja skura, što moža aznačać, što jon nie aficer biełaruskich słužbaŭ, a adzin ź mihrantaŭ, jakija znachodziacca na biełaruskim baku», — raspavioŭ žurnalistam čałaviek, znajomy z hetym zapisam.
Paśla naniasieńnia nažavoha ranieńnia sałdatu čałaviek, jaki napadaŭ, viarnuŭsia ŭhłyb Biełarusi.
Polskija ŭłady raźličvajuć apaznać napadnika z dapamohaj mihrantaŭ, jakija ciapier znachodziacca ŭ pamiežnych centrach.
Raniej MZS Polščy zapatrabavała ad biełaruskaha boku vyśvietlić asobu i vydać padazravanaha ŭ zabojstvie polskaha vajskoŭca.
Nahadajem, polski vajskoviec atrymaŭ nažavoje ranieńnie 28 traŭnia padčas spynieńnia sproby hrupy ahresiŭnych mihrantaŭ prarvacca ź biełaruskaha boku. Jaho paraniŭ adzin ź mihrantaŭ. Sałdata špitalizavali ŭ ciažkim stanie ŭ špital u Hajnaŭcy. Paźniej jon byŭ pieraviedzieny dla lačeńnia ŭ Varšavu, dzie i skanaŭ 6 červienia.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks21
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary