Забойца польскага салдата на мяжы ўстаноўлены. Ён усё яшчэ ў Беларусі
Польскія службы ўстанавілі і шукаюць забойцу польскага салдата, які ахоўваў мяжу з Беларуссю. Пра гэта паведамляе выданне RMF FM са спасылкай на свае крыніцы.
Смяротнае нажавое раненне 21-гадовы польскі радавы 1-й Варшаўскай танкавай брыгады Матэвуш Сітак атрымаў 28 мая. Ён памёр 6 чэрвеня, нагадвае Reform.news.
Устаноўлена, што нападнік — выхадзец з Блізкага Усходу. Ён усё яшчэ знаходзіцца ў Беларусі, але можа эвакуявацца ў Сірыю, лічаць польскія службы.
Следчыя ўстанавілі забойцу польскага салдата, прааналізаваўшы запісы з моманту пачатку нападаў на мяжу. Дзякуючы гэтаму ўдалося вызначыць, як выглядаў зламыснік.
Некалькі тыдняў польскія спецслужбы дапытвалі мігрантаў, якія трапілі ў Польшчу. Таксама выкарыстоўваліся інфарматары з груп мігрантаў, якія пражываюць цяпер у Беларусі. Дзякуючы гэтаму было дакладна ўстаноўлена, хто гэты мужчына.
Раней польскія ўлады патрабавалі ад беларускага рэжыму правесці расследаванне і выдаць забойцу, аднак публічнага адказу не было. Журналісты RMF FM робяць выснову, што забойства адбылося са згоды рэжыму Лукашэнкі. У гэтай сітуацыі будуць неабходныя дзеянні спецслужбаў.
Не выключана, што пасля раскрыцця інфармацыі пра яго асобу забойца ўцячэ з Беларусі ў Сірыю ці іншую блізкаўсходнюю краіну. Захапіць яго там польскімі службамі, а затым перадаць у суд, як гэта ні парадаксальна, можа быць прасцей, упэўненыя польскія журналісты.
Прэс-сакратар польскага МЗС пра адносіны з Беларуссю: Чакаем першага рэальнага кроку з беларускага боку
У польскіх следчых можа быць ДНК чалавека, які смяротна параніў памежніка на мяжы з Беларуссю
У польскіх уладаў ёсць фота забойцы польскага памежніка, які загінуў на беларускай мяжы
Аляксандр Вальфовіч: Мігранты ідуць — іх не спыніш
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу7
Каментары