Arman Dziupłancis ustanaviŭ novy fantastyčny suśvietny rekord u skačkach z šastom na Alimpijadzie
U paniadziełak hledačy na stadyjonie «Stad de Frans» sabralisia šmat u čym dziela hetaha momantu. I kaśmičny švied nie padvioŭ.
Šviedski skakun z šastom Arman Dziupłancis staŭ dvuchrazovym alimpijskim čempijonam, zaadno čarhovy raz pierapisaŭšy suśvietnaje dasiahnieńnie.
Dziupłancis z treciaj sproby ŭziaŭ vyšyniu 6 mietraŭ 25 santymietraŭ — i ŭstalavaŭ suśvietny i alimpijski rekordy. Jon dadaŭ da ŭłasnaha suśvietnaha dasiahnieńnia jašče santymietr. Papiaredni suśvietny rekord Arman ustanaviŭ u krasaviku 2024 hoda na etapie Bryljantavaj lihi.
U 24-hadovaha švieda ŭ siektary niama supiernikaŭ, akramia jaho samoha: srebny pryzior Paryža amierykaniec Sem Kiendryks uziaŭ tolki 5.95, a hrek Emanuił Karalis, jaki zaniaŭ treciaje miesca, — 5.90.
Dziupłancis uziaŭ druhoje ŭ karjery alimpijskaje zołata: try hady tamu ŭ Tokia jon pieramoh z vynikam 6 mietraŭ 2 santymietry.
Za čatyry hady Arman, jaki ličycca ledź nie hałoŭnaj zorkaj sučasnaj lohkaj atletyki, pierapisaŭ suśvietny rekord dzieviać razoŭ.
Ałžyrskaja baksiorka, jakuju raskrytykavali za najaŭnaść mužčynskich chramasom, paskardziłasia na ckavańnie
Brytanski viaślar staŭ pieršym, chto zavajavaŭ alimpijskija miedali ŭ mužčynskim i žanočym zaliku. Jak tak?
Leśbijanka z Kamieruna pryniesła pieršy ŭ historyi miedal alimpijskaj zbornaj biežancaŭ
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija21
Kamientary