Leśbijanka z Kamieruna pryniesła pieršy ŭ historyi miedal alimpijskaj zbornaj biežancaŭ
Zasnavanaja ŭ 2016 hodzie alimpijskaja kamanda biežancaŭ, jakaja składajecca sa spartsmienaŭ, vymušanych pakinuć radzimu, na Alimpijadzie-2024 upieršyniu adznačyłasia zavajavanym miedalom, piša «Trybuna».
Baksiorka z kamandy biežancaŭ pad imiem Sindzi Vinier Nhamba adnahałosnym rašeńniem sudździaŭ pieramahła francužanku Davinu Mišel i vyjšła ŭ paŭfinał u vahavoj katehoryi da 75 kh, harantavaŭšy sabie minimum bronzu.
Sindzi naradziłasia 7 vieraśnia 1998 hoda ŭ kamierunskaj Duale. Adnak u 10‑hadovym uzroście jana razam sa svajakami pierajechała ŭ Vialikabrytaniju, dzie paznajomiłasia z boksam. Taksama dziaŭčyna atrymała adukacyju va ŭniviersitecie Bołtana, advučyŭšysia na kryminołaha.
Nhamba trenirujecca z baksiorskaj kamandaj Vialikabrytanii, ale nie moža vystupać pad brytanskim ściaham, bo ŭ jaje niama brytanskaha pašparta. U 2019 hodzie Sindzi razam z bratam navat znachodziłasia za krok ad departacyi. Ceły dzień abodvuch pratrymali ŭ śledčym izalatary, adnak paśla adpuścili.
U 18 hadoŭ Nhamba pryznała svaju homaseksualnaść. U Kamierunie heta kryminalny artykuł, heta značyć spartsmiency pahražaje źniavoleńnie. Mienavita hetym i adsutnaściu dakumientaŭ tłumačycca ŭdzieł žančyny ŭ zbornaj biežancaŭ. Mienavita Nhamba trymała alimpijski ściah padčas uračystaha zapłyvu nacyjanalnych kamandaŭ pa Sienie.
Kab prabicca ŭ finał i zrabić surjoznuju zajaŭku na alimpijskaje zołata, kamieruncy 8 žniŭnia treba budzie adoleć panamku Atejnu Bajłan. Ale navat kali jana i prajhraje, to bronzavy miedal budzie mieć pa-lubomu. Boks — adzin ź niamnohich vidaŭ sportu, dzie bai za bronzu nie pravodziacca, i ich atrymlivajuć adrazu dva spartsmieny — tyja, jakija prajhrali ŭ paŭfinałach.
Ałžyrskaja baksiorka, jakuju raskrytykavali za najaŭnaść mužčynskich chramasom, paskardziłasia na ckavańnie
Brytanski viaślar staŭ pieršym, chto zavajavaŭ alimpijskija miedali ŭ mužčynskim i žanočym zaliku. Jak tak?
U heta składana pavieryć, ale Novak Džokavič upieršyniu ŭ karjery staŭ alimpijskim čempijonam
Francuzskija spartsmieny na alimpijadzie źviartajuć na siabie ŭvahu. Časam pryčyna daloka nie spartyŭnaja
Za hiendarnym skandałam na Alimpijadzie ŭ Paryžy staić Rasija
Ci šmat u śviecie zastałosia kiraŭnikoŭ dziaržaŭ, jakija pryjšli da ŭłady raniej za Łukašenku?
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
A pra skandał, što Niamieččyna robić prablemy z čarhovymi sankcyjami adnosna Rasii, adnosna pastavak Ukrainie zbroi ci pra pratesty suprać złačynstaŭ mihrantaŭ, jak naprykład u Vialikabrytanii, užo nie. Nu-nu.
Akramia taho, raniej niejak nie było čuvać pra zbornuju ŭciekačoŭ. Tamu dla NN heta realna cikavaja tema, kali jaje nichto raniej nie pierachopić (a, kali pierachopić, to vy ž ahrehatar, možacie i pierapościć) - cikava, što na Alimpijadzie akramia kamandy "niejtrałaŭ" ź biełaruska-rasijskimi spartovymi izhojami jość jašče i zbornaja ŭciekačoŭ. Chto tudy ŭvachodzić, jak jana farmujecca i ci mohuć tudy patrapić biełaruskija palityčnyja ŭciekačy-spartoŭcy?