U Iranie miascovaha apazicyjnaha błohiera Chasiejna Šanbiechzade pryhavaryli da 12 hadoŭ turmy za tvit z adnoj kropkaj, jaki jon napisaŭ u adkaz na post viarchoŭnaha lidara krainy Ali Chamienei. Pra heta paviedamlaje Iran International sa spasyłkaj na advakata apazicyjaniera Amira Raisijana, piša «Radyjo Svaboda».
Šanbiechzade napisaŭ svoj tvit u traŭni. Praź niekalki tydniaŭ, paśla taho, jak tvit nabraŭ značna bolš łajkaŭ, čym post Chamienei, mužčynu aryštavali.
31 žniŭnia advakat Šanbiechzade paviedamiŭ, što jahony padabaronny pryhavorany da piaci hadoŭ «za prapahandu na karyść Izraila», da čatyroch — «za abrazu isłamskich śviatyniaŭ», da dvuch — za «raspaŭsiudžvańnie łžyvaj infarmacyi» i da jašče adnaho hoda za «antydziaržaŭnuju prapahandu».
Jak raskazaŭ Raisijan, z 12 hadoŭ termin Šanbiechzade pavinien pravieści ŭ turmie piać, paśla čaho zmoža padać prašeńnie ab umoŭna-daterminovym vyzvaleńni. Advakat spadziajecca abskardzić prysud.
Pa słovach advakata, abvinavačańnie nie dakazała viny Šanbiechzade pa samym ciažkim artykule.
U jakaści dokazaŭ viny pa inšych artykułach sud pryvioŭ jaho pasty ŭ padtrymku palitviaźniaŭ i admieny abaviazkovaha našeńnia chidžabu, vykarystańnie chešteha «#NiePakarańniamŚmierci», krytyku iranskich vybaraŭ i vykazvańnie radaści z nahody śmierci byłoha prezidenta krainy Ebrachima Raisi.
U 2019 hodzie Šanbiechzade ŭžo traplaŭ u turmu — heta adbyłosia paśla pratestaŭ, jakija pačalisia z-za šmatrazovaha pavieličeńnia cenaŭ na paliva ŭ Iranie. Tady apazicyjaniera abvinavacili ŭ abrazie śviatyniaŭ i lidara Isłamskaj respubliki, a ŚMI, źviazanyja z Korpusam vartavych isłamskaj revalucyi, pisali, što jon ahient Masada.
Jak adznačaje Iran International, krytyki iranskaha režymu časta vykarystoŭvajuć kropku i inšyja adzinočnyja simvały, kab vykazać niazhodu z uładami.
Iran moža ŭžo ŭ najbližejšy čas pačać pastaŭki balistyčnych rakiet u Rasiju
Novy prezident Irana pryniaŭ prysiahu pad skandavańnie «Śmierć Amierycy i Izrailu»
Ci šmat u śviecie zastałosia kiraŭnikoŭ dziaržaŭ, jakija pryjšli da ŭłady raniej za Łukašenku?
Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie23
Kamientary