Novy prezident Irana pryniaŭ prysiahu pad skandavańnie «Śmierć Amierycy i Izrailu»
Adnak Masud Piezieškijan paabiacaŭ palepšyć suviazi z zamiežnymi krainami i asłabić abmiežavańni sacyjalnych svabod unutry krainy.
Novy prezident Irana Masud Piezieškijan, jaki pieramoh na daterminovych vybarach paśla hibieli ŭ avijakatastrofie prezidenta Raisi, pryniaŭ prysiahu, paabiacaŭšy palepšyć suviazi z zamiežnymi krainami i asłabić abmiežavańni sacyjalnych svabod unutry krainy, piša Reuters.com.
«My budziem imknucca da kanstruktyŭnaha i efiektyŭnaha ŭzajemadziejańnia sa śvietam, zasnavanym na hodnaści, mudraści i metazhodnaści», — skazaŭ jon.
Jaho pieramoha padniała nadziei — Piezieškijan ličycca refarmistam (pradstaŭnik libieralnaha kryła) — na adlihu ŭ antahanistyčnych adnosinach Irana z Zachadam, što moža stvaryć mahčymaści dla pasłableńnia jaho jadziernaha supraćstajańnia z suśvietnymi dziaržavami.
Ale Piezieškijan ustupaje na pasadu padčas eskałacyi napružanaści na Blizkim Uschodzie z-za kanfliktu Izraila z CHAMAS i transhraničnych bajavych dziejańniaŭ z sajuźnikam Irana «Chiezbałoj» u Livanie. Iran abvinavaciŭ ZŠA ŭ padtrymcy taho, što jon nazyvaje «izrailskimi złačynstvami ŭ Hazie».
«Tyja, chto pastaŭlaje zbroju, jakaja zabivaje dziaciej, nie mohuć vučyć musulman humannaści», — skazaŭ Piezieškijan pad skandavańnie «Śmierć Amierycy» i «Śmierć Izrailu».
Na cyrymonii prysutničali lidary CHAMAS i «Isłamskaha džychadu», a taksama vysokapastaŭlenyja pradstaŭniki jemienskich chusitaŭ i livanskaj «Chiezbały».
Piezieškijan, jak čakajecca, nazavie skład svajho kabinieta na praciahu dvuch tydniaŭ.
Adnak vyrašalnaje słova va ŭsich dziaržaŭnych spravach, uklučajučy zamiežnuju i jadziernuju palityku, u Iranie maje viarchoŭny lidar ajatała Ali Chamieniei. Jon taksama pavinien zaćviardžać kandydatury Piezieškijana na klučavyja pasady va ŭradzie.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary