Iran moža ŭžo ŭ najbližejšy čas pačać pastaŭki balistyčnych rakiet u Rasiju
Jeŭrapiejskija aficyjnyja asoby čakajuć, što Iran najbližejšym časam pastavić Rasii balistyčnyja rakiety, paviedamlaje ahienctva Bloomberg sa spasyłkaj na daśviedčanyja krynicy.
Iran užo pastaviŭ Rasii šmat bieśpiłotnikaŭ Shahed, jakija štodnia vykarystoŭvajuć rasijskija vojski dla napadaŭ na ŭkrainskija harady. A ŭ pačatku hoda ahienctva Reuters paviedamlała, što Tehieran moh pieradać Maskvie i kala 400 balistyčnych rakiet.
Krynicy Bloomberg nie raskryvajuć mahčymyja terminy pastavak, typ rakiet i maštaby pastavak, ale pry hetym adzin ź ich vykazaŭ zdahadku, što pastaŭki mohuć pačacca ciaham niekalkich dzion.
Na ŭzbrajeńni ŭ Irana, u pryvatnaści, jość rakiety «Fatch-360» z radyusam dziejańnia da 120 km, pra ich mahčymyja pastaŭki havaryłasia ŭ materyjale Reuters. Adnak taksama Iran maje i istotna bolš dalnabojnyja rakiety, u pryvatnaści «Sadžył», radyus jakoj dasiahaje 2500 km — pa pryniataj kłasifikacyi, heta rakieta siaredniaj dalokaści.
ZŠA i chaŭruśniki ŭ NATA nieadnarazova pieraścierahali Tehieran ad takoha kroku i rabili dypłamatyčnyja namahańni, kab praduchilić jaho, adznačaje ahienctva. Pradstaŭnik Rady nacyjanalnaj biaśpieki ZŠA, pa paviedamleńni Reuters, zajaviŭ, što pastaŭki Iranam u Rasieju zbroi takoha kłasa buduć rasceńvacca jak eskałacyja ahresii suprać Ukrainy, i što ZŠA, a taksama krainy NATA i G7 hatovyja dać na hetyja dziejańni «chutki i žorstki adkaz». Jaki, praŭda, nie ŭdakładniajecca.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary