Takim čynam ukrainskija ŭłady adreahavali na videa z rasstrełami ŭkrainskich vajskoŭcaŭ rasiejcami.
Ukrainskija ŭłady zabaranili rasiejskim vajennapałonnym telefanavać rodnym.
Pra heta ŭ teleefiry raskazaŭ upaŭnavažany Viarchoŭnaj Rady pa pravach čałavieka Dźmitryj Łubiniec. U pałonnych pry hetym zastajecca prava na pierapisku.
«Niekatoryja rečy, skažu ščyra, my mianiajem. Naprykład, było vielmi šmat dyskusij nakont mahčymaści dla rasiejskich vajennapałonnych telefanavać svaim rodnym na terytoryju Rasiejskaj Fiederacyi. Naša pazicyja vielmi prostaja: pavodle Ženieŭskich kanviencyj, jość prava na pierapisku, a nie na telefonnyja zvanki», — adznačyŭ ambudsmien.
Łubiniec dadaŭ, što abmieńvajecca listami ad vajennapałonnych z rasiejskim ambudsmenam Tacianaj Maskalkovaj. Heta dazvalaje zrazumieć, dzie znachodziacca ŭkrainskija vajskoŭcy, jakija trapili ŭ rasiejski pałon, i ci žyvyja jany.
Usiaho va Ukrainie dziejničaje čatyry śpiecyjalnyja łahiery dla rasiejskich vajennapałonnych.
Rašeńnie ab zabaronie na zvanki dla pałonnych było pryniata na fonie infarmacyi ab vierahodnym rasstrele rasiejcami ŭkrainskich vajskoŭcaŭ, jakija chacieli zdacca ŭ pałon. Videa rastrełu apublikavaŭ kanał CNN u pačatku vieraśnia.
Adzin z rolikaŭ byŭ źniaty, jak śćviardžajecca, u kancy žniŭnia ŭ rajonie Pakroŭska Danieckaj vobłaści. Na videa troje ŭkrainskich vajskoŭcaŭ ustajuć na kaleni, a zatym padajuć i lažać na ziamli. Druhi rolik, pa danych CNN, byŭ źniaty ŭ traŭni ŭ rajonie Rabocina ŭ Zaparožskaj vobłaści. Na im vajskoŭcy USU vychodziać z padniatymi rukami pa adnym ź blindažu, paśla čaho adzin z rasiejskich vajskoŭcaŭ zahadvaje inšamu rasstralać ich – i toj stralaje ŭkraincam u śpinu, piša DW.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Krasnyj Kriest i OBSIE!Fas!!!