Astapienia: My pieraraśli toj momant, kali dumali, što Biełaruś budzie biełaruskamoŭnaj
Zasnavalnik Centra novych Ryhor Astapienia ŭ novym vypusku TOKu padzialiŭsia svaim bačańniem nacyjabudaŭnictva biełarusaŭ.
«Ja dosyć skieptyčna staŭlusia da hetaha zachapleńnia samimi saboj, biełaruščynaj jak takoj: «My chočam usiamu śvietu dakazać, adradzić našu Biełaruś» i hetak dalej. To-bok, mnie heta zaŭsiody zdavałasia takim… Nu, biełarusy narmalnyja. Nie treba ź biełarusami rabić niejkija pracesy. Adradžać, niejak pieravučvać», — razvažaje sacyjołah.
Na pytańnie, jak u takim vypadku jon bačyć nacyjanalnaje budaŭnictva, sacyjołah zaŭvažyŭ: «Ja dumaju, pracesy raźvićcia i jość nacyjabudaŭnictva. Treba dać ludziam svabodu, dać ludziam mahčymaść zarablać hrošy. I ŭsio budzie narmalna». I nahadaŭ, što pra heta kazaŭ i Viktar Babaryka.
Śviadomaść u biełarusaŭ, na dumku Astapieni, sfarmujecca sama:
«Śviadomaść sfarmujecca sama. Jana i zaraz farmujecca. Kali buduć stvorany adpaviednyja ŭmovy, kali biełaruskaja mova zmoža adkryta kankuravać z ruskaj, to adpaviedna źjavicca bolš biełaruskamoŭnych praduktaŭ.
Dla mianie heta absalutna łahična, što budzie padtrymlivacca svajo. Tamu dla mianie heta okiej. Ale heta zusim nie značyć, što treba imknucca da hetaha. Ja dumaju, my pieraraśli toj momant, kali dumali, što Biełaruś kaliści budzie biełaruskamoŭnaj. Užo dosyć vidavočna, što nie».
Kamientary