Астапеня: Мы перараслі той момант, калі думалі, што Беларусь будзе беларускамоўнай
Заснавальнік Цэнтра новых Рыгор Астапеня ў новым выпуску ТОКу падзяліўся сваім бачаннем нацыябудаўніцтва беларусаў.
«Я досыць скептычна стаўлюся да гэтага захаплення самімі сабой, беларушчынай як такой: «Мы хочам усяму свету даказаць, адрадзіць нашу Беларусь» і гэтак далей. То-бок, мне гэта заўсёды здавалася такім… Ну, беларусы нармальныя. Не трэба з беларусамі рабіць нейкія працэсы. Адраджаць, неяк перавучваць», — разважае сацыёлаг.
На пытанне, як у такім выпадку ён бачыць нацыянальнае будаўніцтва, сацыёлаг заўважыў: «Я думаю, працэсы развіцця і ёсць нацыябудаўніцтва. Трэба даць людзям свабоду, даць людзям магчымасць зарабляць грошы. І ўсё будзе нармальна». І нагадаў, што пра гэта казаў і Віктар Бабарыка.
Свядомасць у беларусаў, на думку Астапені, сфармуецца сама:
«Свядомасць сфармуецца сама. Яна і зараз фармуецца. Калі будуць створаны адпаведныя ўмовы, калі беларуская мова зможа адкрыта канкураваць з рускай, то адпаведна з'явіцца больш беларускамоўных прадуктаў.
Для мяне гэта абсалютна лагічна, што будзе падтрымлівацца сваё. Таму для мяне гэта окей. Але гэта зусім не значыць, што трэба імкнуцца да гэтага. Я думаю, мы перараслі той момант, калі думалі, што Беларусь калісьці будзе беларускамоўнай. Ужо досыць відавочна, што не».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос12
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары