Niezvyčajny hryb pradavali ŭ Homieli na rynku — muchamor, zaŭvažyła vydańnie «Pieršy». Ludzi z malenstva viedajuć, što hety hryb atrutny. A ci možna im uvohule handlavać?
Muchamory pradavali pa 3 rubli. Zrazumieła, što heta, vidać, nie pačastunak dla cieščy, a chutčej pradukt dla «narodna-lekavych» metaŭ — nohi nacirać ci jašče što.
Ale jość niuans — u Biełarusi takija hryby, jak muchamory, pradavać zabaroniena. Na sajcie Ministerstva achovy zdaroŭja Biełarusi navat jość aficyjny kamientar z hetaj nahody.
16 žniŭnia 2023 hoda była pryniata pastanova namieśnika ministra — hałoŭnaha dziaržaŭnaha sanitarnaha doktara Respubliki Biełaruś. Dakumientam praduhledžanaja zabarona ŭvozu na terytoryju Respubliki Biełaruś, realizacyja, zachoŭvańnie, transparciroŭka, vykarystańnie charčovaj pradukcyi, jakaja źmiaščaje muchamory.
«Na siońniašni dzień niama nivodnaha navukovaha dokazu ab stanoŭčym upłyvie muchamoraŭ, uklučajučy mikradozy, na arhanizm čałavieka», — śćviardžaje Ministerstva achovy zdaroŭja Biełarusi.
Pry hetym viedamstva nahadvaje, što:
- rečyvy, jakija źmiaščajucca ŭ muchamorach, źjaŭlajucca psichaaktyŭnymi i viaduć da źjaŭleńnia ŭ čałavieka źmienienych stanaŭ śviadomaści;
- pry praciahłym užyvańni taksičnaje rečyva hryba nazapašvajecca ŭ arhaniźmie čałavieka i moža niehatyŭna adbicca na pracy serca i vyklikać prablemy z dychańniem, a taksama paŭpłyvać na repraduktyŭnuju funkcyju i hienietyku;
- muchamor — vielmi niebiaśpiečnaja reč dla hałaŭnoha mozhu, nie vyklučana pryhniatańnie śviadomaści da ŭzroŭniu komy ci nastupleńnie śmiarotnaha zychodu;
- patrabavańniami nacyjanalnaha zakanadaŭstva zabaronieny abarot (uklučajučy realizacyju praź internet-kramy) muchamoraŭ, u tym liku ŭ vyhladzie paraška zdrobnienych kapialušykaŭ čyrvonaha i panternaha muchamoraŭ dla vykarystańnia ŭ charčovych metach.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
dla darahich haściej z uschodu
dołhosročnyj mikrodozinh muchomorami
JANKA z łubianka nie daść zmanić )